ވަކި މައްސަލަތަކެއް ނުބަލަން ސިޔާސީ ނުފޫޒެއް ނެތް: ފުލުހުން
ވަކި މައްސަލައެއް ތަހުގީގު ކުރުމަށް އަދި ވަކި މައްސަލައެއް ތަހުގީގު ނުކުރުމަށް، އެއްވެސް ސިޔާސީ ނުފޫޒެއް ނެތް ކަމަަށް ފުލުހުން ވިދާޅުވެއްޖެއެވެ.
އިސްލާމްދީނަށް ފުރައްސާރަ ކުރުމުގެ މައްސަލަތައް ބެލުމުގައި ފުލުހުން ފަސްޖެހޭ ކަމަށް ބުނެ ފުލުހުންގެ މައްޗަށް ވަނީ ތުހުމަތު އުފުލިފައެވެ. އަދި ދީނަށް ފުރައްސާރަ ކުރާ މީހުންގެ މައްސަލަތައް ބަލައިދީ ފިޔަވަޅު އަޅައި ދިނުމަށް ވަރަށް ގިނަ ފަރާތްތަކުން ވަނީ އެދިފައެވެ.
އެކަމާ ގުޅޭގޮތުން ފުލުހުން ވިދާޅުވީ އިސްލާމްދީނަށް ފުރައްސާރަކޮށް އިސްލާމްދީނާ ހިލާފު ވާހަކަތައް ފަތުރާ މީހުންގެ މައްސަލަތައް އެހެނިހެން މައްސަލަތަކާ އެއްގޮތަށް ތަހުގީގުކޮށް އުސޫލުގެ ތެރެއިން ގާނޫނީ ފިޔަވަޅު އަޅަމުންދާ ކަމަށެވެ.
ވަކި މައްސަލައެއް ތަހުގީގު ކުރުމަށާއި ނުކުރުމަށް އެއްވެސް ސިޔާސީ ނުފޫޒެއް ނެތް ކަމަށް ވެސް ފުލުހުން ވިދާޅުވެފައިވެއެވެ.
