ފުވައްމުލަކު ހޮސްޕިޓަލުގައި ޕީސީއާރު މެޝިނެއް ބަހައްޓައިފި
ކޮވިޑް-19އަށް ޓެސްޓު ކުރުމަށް ފުވައްމުލަކު ހޮސްޕިޓަލުގައި ޕީސީއާރް ޓެސްޓު ކުރަން މެޝިނެއް ބަހައްޓައިފިއެވެ.
ފުވައްމުލަކު ހޮސްޕިޓަލުން ބުނީ ކޮވިޑް ޖެހިފައިވޭތޯ ޓެސްޓް ހެދުމުގެ ކެޕޭސިޓީ އެ ހޮސްޕިޓަލުގެ ލެބޯޓްރީގައި އިތުރުކުރުމަށް ޓަކައި ކުރެވޭ މަސައްކަތުގެ ދަށުން އިއްޔެ އަލަށް ބެހެއްޓި ޕޮއިންޓް އޮފް ކެއަރ ރިއަލްޓައިމް (ޕީ.ސީ.އާރް) މެޝިން އިންސްޓޯލްކޮށް، ބޭނުން ކުރަން ތައްޔާރުވެފައިވާ ކަމަށެވެ.
ފުވައްމުލަކު ހޮސްޕިޓަލަަށް ލިބުނު މި މެޝިން ބޭނުންކޮށްގެން ދުވާލަކު 80 މީހުންގެ ޓެސްޓް ހެދޭނެ ކަމަށް އެ ހޮސްޕިޓަލުން ހާމަކުރެއެވެ.
ފުވައްމުލަކު ސިޓީގައި މީގެ ކުރިން ކޮވިޑަށް ޓެސްޓުކުރީ ޖީން އެކްސްޕާޓް މެޝިނަކުންނެވެ. އެހެން ނަމަވެސް އެ މެޝިން ބޭނުންކުރީ އަވަސް ނަތީޖާ ބޭނުންވާ ހާލަތްތަކުގައި އެކަނި ކަމަށް މައުލޫމާތު ލިބެއެވެ. އަދި އެ ރަށުން ތަރުތީބެއް ނެގި ސުންކުތައް ޓެސްޓު ކުރީ އައްޑުއަށް ފޮނުވައިގެންނެވެ.
