ތިނަދޫ މަސްޖިދުލް މަރްޔަމްއަށް ޢީދު ނަމާދަށް ދިޔަ އެންމެން ކޮވިޑަށް ޓެސްޓް ކުރަނީ

ގދ.ތިނަދޫގައި އީދު ނަމާދަށް ދިޔަ މީހަކު ކޮވިޑް-19 އަށް ފައްސިވެ، އެމިސްކިތަށް އީދު ނަމާދަށް ދިޔަ މީހުން ކޮވިޑް-19އަށް ޓެސްޓް ކުރަން ނިންމައިފިއެވެ.

Ads by STELCO

ޑރ. އަބްދުއްސަމަދު މެމޯރިއަލް ހޮސްޕިޓަލުމް މައުލޫމާތު ދިން ގޮތުގައި ފައްސިވެފައި ވަނީ މަސްޖިދުލް މަރްޔަމް މިސްކިތުގައި އީދުނަމާދުގައި ބައިވެރިވި މީހެކެވެ.

މި މީހާ ފައްސިވުމާ ގުޅިގެން މަރްޔަމް މިސްކިތަށް ދިޔަ އެންމެންގެ ސުންކު ނެގުމަށް މިހާރު ނިންމަވައިފައިވާ ކަމަށް އެ ހޮސްޕިޓަލުން މަޢުލޫމާތު ދެއެވެ. އެ ރަށުގައި ރެންޑަމް ސުންކު ނެގުން މިއަދު މެންދުރު 2:00އިން ފެށިގެން 3:30އަށް، ޑރ އަބްދުއްސަމަދު މެމޯރިއަލް ހޮސްޕިޓަލުގެ ގޯތިތެރޭގައި ކުރިޔަށްދާނެއެވެ.