ޚަބަރު

ކަރަންޓް ބިލާ ގުޅޭ ގޮތުން މޭޔަރު ކަންބޮޑުވުން ފާޅު ކުރައްވައިފި

ރައުފާ ރަޝީދު ، ދެން އޮންލައިން

މި މަހުގެ ކަރަންޓު ބިލު އެހެން މަސްތަކާ އަޅައި ބަލާއިރު ބޮޑުވުމާ ގުޅިގެން މާލެ ސިޓީގެ މޭޔަރު ޑރ.މުހައްމަދު މުއިއްޒު ކަންބޮޑުވުން ފާޅުކުރައްވައިފިއެވެ.

Ads by Sosun Fihaara

މުއިއްޒު ކުރެއްވި ޓްވީޓެއްގައި، މި މަހުގެ ކަރަންޓު ބިލަކީ މާލޭގެ ގިނަ ރައްޔިތުންނަށް ދެއްކޭވަރަށް ވުރެ ބޮޑު ބިލެއްކަން ވަނީ ފާހަގަ ކުރައްވައިފައެވެ. އަދި މިކަމުގެ ސަބަބުން ޙާލުގައި އުޅެމުންދާ ރައްޔިތުންނަށް ބޮޑެތި ދަތިތަކާ ދިމާވާނެ ކަމަށާއި އެ މީހުން އިތުރަށް ހާލުގައި ޖެހޭ ގޮތް ވާނެ ކަމަށް ވެސް މޭޔަރު ވިދާޅުވިއެވެ. މީގެ އިތުރުން “ރައްޔިތުން އަތުގައި ނެތް ފައިސާއަކުން” ބިލް ދައްކަން ޖެހިފައިވާކަމަށް ވެސް މޭޔަރު ވިދާޅުވިއެވެ.

މޭޔަރު މިފަދައިން ވިދާޅުވެފައިވާއިރު މީސްމީޑިއާގައި މިހާރު އެންމެ ގިނައިން ދައުރުވެފައިވާ އެއް ކަންބޮޑުވުމަކީ، މިދިޔަ މަހުގެ ކަރަންޓު ބިލު އާދަޔާ ޚިލާފަށް ބޮޑު ވާހަކައެވެ. މީސްމީޑިއާގައި ބައެއް ފަރާތްތަކުން ފާޅު ކޮށްފައިވާ ކަންބޮޑުވުންތަކަށް ބަލާލާއިިރު މިދިޔަ މަހުގެ ކަރަންޓު ބިލް އައި އިރު އެހެން މަސްތަކަށް ވުރެ ބޮޑުކަން ފާހަގަ ކޮށްފައި ވެއެވެ.

Ads by Ooredoo

މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!