ތާޢީދު އަނބުރާ ގެންދެވީ ކޮރޮޕްޝަނާއި އަނިޔާވެރިކަމާހެދި: ޔުމްނާ
ކުރީގެ ރައީސް އަބްދުﷲ ޔާމީން އަބްދުލްޤައްޔޫމަށް ކުރައްވަމުން ގެންދިޔަ ތާޢީދު، ޕީޕީއެމްގެ ކުރީގެ ރައީސް، ރައީސް މައުމޫން އަބްދުލް ޤައްޔޫމް އަނބުރާ ގެންދެވީ، ރައީސް ޔާމީން ހިންގަވަމުން ގެންދެވި ތަރައްޤީގެ ޕޮލިސީތަކުގެ ސަބަބުން ރައީސް މައުމޫންގެ ލެގަސީ ފޮހެވެމުންދާތީ ކަމަށް ޕީޕީއެމް ކޯލިޝަން ހިންގެވުމާ ހަވާލުވެ ހުންނެވި ލީޑަރު އަބްދުއްރަޙީމް އަބްދުﷲ (އަދުރޭ) ވިދާޅުވުމުން އެކަމަށް ރައީސް މައުމޫންގެ ދަރިކަނބަލުން ޔުމްނާ މަޢުމޫން ރައްދު ދެއްވަވައިފިއެވެ.
މިނިސްޓަރ އޮފް އާޓްސް ކަލްޗަރ އެންޑް ހެރިޓޭޖް ، ޔުމްނާ މައުމޫން މިއަދު ކުރެއްވި ޓްވީޓެއްގައި ވިދާޅުވީ، އަދުރޭ ރޭ ހެއްދެވީ ކަނޑައެޅިގެން ދޮގެއް ކަމަށެވެ. އަދި ހުޅުމާލޭ ފޭސް 2 އާއި ބްރިޖް އެޅުމަކީ ވެސް ރައީސް މައުމޫންގެ ތަޞައްވުރެއް ކަމަށް ވެސް ޔުމްނާ ވިދާޅުވިއެވެ.
ތާޢީދު އަނބުރާ ގެންދެވި ސަބަބު ސާފުކޮށްދެއްވަމުން ޔުމްނާ ވިދާޅުވީ، ރައީސް މައުމޫން އޭރު ސަރުކާރަށް ކުރަައްވަމުން ގެންދެވި ތާޢީދު އަނބުރާ ގެންދެވީ، ޕީޕީއެމްގެ އުސޫލުތަކާ ދުރަށްގޮސް ކޮރަޕްޝަނާ އަނިޔާވެރިކަމުގެ ތެރެއަށް ވެރިކަން ދިޔުމުން ކަމަށެވެ. އަދި އޭރު ކަން ހިނގާ ދިޔަގޮތް ހަނދާން ނެތޭހާ ދުވަސް ނުވާ ކަމަށް ވެސް ޔުމްނާ ވިދާޅުވިއެވެ.
ޕީޕީއެމްއަށް މެންބަރުން އިތުރު ކުރުމަށް އެ ޕާޓީން ހިންގަމުން އަންނަ ހަރަކާތުގެ ތެރެއިން ރޭ އެ ޕާޓީއާ ގުޅިވަޑައިގަތް ބޭފުޅުން ޕާޓީއަށް ސޮއި ކުރުމަށް ބޭއްވި ރަސްމިއްޔާތެއްގައި އަދުރޭ ވިދާޅުވީ، ރައީސް މައުމޫންގެ ތާޢީދު އޭރުގެ ކޯލިޝަނުން އަނބުރާ ގެންދެވީ، ރައީސް ޔާމީން މަސައްކަތްޕުޅު ކުރައްވަނީ ރައީސް މައުމޫންގެ ލެގަސީ ފޮހެލަން ކަމަށް ވިދާޅުވެ ކަމަށެވެ.
އަދުރޭ ވިދާޅުވީ ރައީސް މައުމޫނާއި ރައީސް ޔާމީންގެ ގުޅުން ގޯސްވެފައި ވަނިކޮށް ރައީސް ޔާމީންގެ އެދިވަޑައިގަތުމަކަށް 2016 ވަނަ އަހަރު އޮކްޓޯބަރު 7 ވަނަ ދުވަހު ރައީސް މައުމޫނާއި ބައްދަލު ކުރެއްވުމުން "ތިމަންނަގެ ލެގަސީ ދުއްވާލާށޭ ރައީސް ޔާމީން އެ މަސައްކަތް ކުރައްވަނީ" ރައީސް މައުމޫން ވިދާޅުވި ކަމަށެވެ.
އަދުރޭ ވިދާޅުވީ، މާލޭގައި ބިނާ ކުރި ކިންގް ސަލްމާން މިސްކިތާއި ބްރިޖާއި ހުޅުމާލޭ ހިއްކުމުގެ ޕްރޮޖެކްޓްތަކާއި ރައީސް މައުމޫން ވަރަށް ބޮޑަށް ދެކޮޅު ހެއްދެވި ކަމަށެވެ. އަދި ހުޅުމާލެ ހިއްކަވައިފައި ވަނިކޮށް ފޭސް ދޭއެއްގެ ނަމުގައި "ޒުވާނުންގެ ޝަހަރެއް" ހިއްކުމުގެ ބޭނުމަކީ ކޮބައިތޯއާއި އިސްލާމީ މަރުކަޒެއް ހުއްޓާ އަލުން އިސްލާމީ މަރުކަޒެއް ހެދުމުގެ ބޭނުމަކީ ކޮބައިތޯ ސުވާލު ކުރެއްވި ކަަމަށް އަދުރޭ ވިދާޅުވިއެވެ. އަދުރޭ ވިދާޅުވީ، އެމަސައްކަތަށް ވުރެ މުހިންމު ކަންކަން އެބަހުރި ކަމަށް ރައީސް މައުމޫން ވިދާޅުވި ކަމަށާއި ރައީސް މައުމޫން ބިރުފުޅުގަތީ، އެމަނިކުފާނުގެ ލެގަސީ ދުއްވައިލާން މަސައްކަތް ކުރާ ކަމަށް ހީކޮށް ކަމަށެވެ.
ރާއްޖެ އިންޑިޔާއަށް ވިއްކާލުމަށްފަހު ހުރިހާ ދިވެހިން ހަނދުގަ އާބާދު ކުރުމަކީ މަގޭ ތަސައްވަރެއް
ތަސައްވަރެއް ނެތިގެންތަ މިއުޅެނީ، ކަމެއް ނުކުރެވިގެން، ކަމެއް ނުވެގެން ދޯ މިއުޅެނީ