ސިއްހީ ނުރައްކަލުގެ ކުއްލި ހާލަތު އަންނަ މަހާ ހަމައަށް ދަމާލައިފި

ސިއްހީ ނުރައްކަލުގެ ކުއްލި ހާލަތު އަންނަ މަހުގެ ނިޔަލަށް މިއަދު އިތުރުކޮށްފިއެވެ.

ކޮވިޑް ކޮންޓްރޯލް ކުރުމަށްޓަކައި، އާންމު ސިއްހަތު ރައްކާތެރިކުރުމުގެ ގާނޫނުގެ ދަށުން، މި ކުއްލި ހާލަތުގައި އަޅަންޖެހޭ ހާއްސަ ފިޔަވަޅުތައް އަޅަމުން ގެންދެވުމަށް ޑިރެކްޓަރ ޖެނެރަލް އޮފް ޕަބްލިކް ހެލްތު މައިމޫނާ އަބޫބަކުރު އަންގަވާފައިވާ ކަމަށް މިއަދު ހެލެތް މިނިސްޓަރ ނަސީމް ސޮއި ކުރައްވާ ނެރުނު ބަޔާނެއްގައި ވިދާޅުވެފައިވެއެވެ.

ރާއްޖޭގައި ކުއްލި ނުރައްކަލުގެ ހާލަތު ފުރަތަމަ އިޢުލާންކޮށްފައިވަނީ 20 މާރިޗް 2020ގައެވެ. ކޮވިޑް-19 ފެތުރުން މިހާރު މާލޭގައި ވަރަށް ބޮޑަށް ކޮންޓްރޯލް ކުރެވިފައި އޮތްނަމަވެސް އަތޮޅުތެރޭގެ ބައެއް ރަށްރަށުގައި ބަލި ފެތުރެމުން ދާކަން ފާހަގަކޮށްލެއެއެވެ.  މިހާރު ވެސް 13 ރަށެއް އޮތީ މޮނީޓަރިންގެ ހާލަތުގައެވެ.