ޝަރުތުތަކަކާ އެކު 3 މަސް ފަހުން ފުވައްމުލައް މޮނީޓަރިންއިން ނަގައިފި

ޝަރުތުތަކަކާއެކު 3 މަސް ފަހުން ޏ. ފުވައްމުލައް މޮނީޓަރިންގެ ހާލަތުން ނަގައިފިއެވެ.

Ads by Hajj Corporation

ފުވައްމުލަކު ސިޓީގެ މޭޔަރު އިސްމާއިލް ރަފީޤް "ދެން" އަށް މައުލޫމާތު ދެއްވަމުން ވިދާޅުވީ ޝަރުތުތަކަކާ އެކު އެ ސިޓީ މޮނީޓަރިންގެ ހާލަތުން އާންމު ހާލަތަށް ގެނެސްފައިވާ ކަމަށެވެ.

"ޝަރުތަކަށް މި އޮންނަނީ، ހުރިހާ ފުރާ މީހުން ސުންކު (ސާމްޕަލް) ނަގައިފައި ޕީސީއާރް ޓެސްޓު ހަދައިފައި ނައްސި ނަތީޖާއަކާ އެކު ފުރާ ގޮތަށް. އަދި ހަތް ދުވަސް ތެރޭގައި އާބާދީގެ 5% ރޭންޑަމް ސާމްޕަލް ނަގަން ޖެހޭ ގޮތަށް އިންނަނީ." ރަފީޤް ވިދާޅުވިއެވެ.

ފުވައްމުލައް މޮނީޓަރިންގެ ހާލަތަށް ލައިފައި ވަނީ 6 މެއި 2021އިން ފެށިގެންނެވެ. އަދި އެ ސިޓީ މޮނީޓަރިންއިން ނަގައިފައި ވަނީ މިއަދެވެ.

ކޮވިޑް-19ގެ ހާލަތާ ގުޅިގެން މިހާރު ރާއްޖޭގައި މޮނީޓަރިންގެ ހާލަތުގައި އޮތީ 14 ރަށެވެ.