Wednesday, 18 November 2026
Advertisement
STO — McCoy (leaderboard)
މުނިފޫހިފިލުވުން

ކެންޑަލް ޖެނާއަށް ބޮޑު ޖޫރިމަނާއެއް

ކެންޑަލް ޖެނާއަށް ބޮޑު ޖޫރިމަނާއެއް

ފޮޓޯ ޝޫޓް އެގްރީމަންޓްއާ ޚިލާފުވުމުން ލިއު ޖޯ ކުންފުނިން، ސުޕަ މޮޑެލް ކެންޑަލް ޖެނާ 1.8 މިލިއަން ޑޮލަރުން ޖޫރިމަނާކުރަން ކޯޓަށް ހުށަައަޅައިފިއެވެ.

އިޓަލީގެ ފެޝަން ކުންފުންޏެއް ކަމުގައިވާ ލިއު ޖޯ ކުންފުނީގެ ބްރޭންޑް ފޮޓޯ ޝޫޓުގެ އެގްރީމެންޓްއާ ކެންޑަލް ޖެނާ ޚިލާފުވެ ދެވަނަ ސީޒަންގެ ފޮޓޯ ޝޫޓަށް އޭނާ ގޮސްފައި ނުވާތީ އޭނާ ޖޫރިމަނާ ކުރުމަށް އެ ކުންފުނިން ކޯޓަށް ހުށައަޅައިފައިވާ ލިޔުންތަކުގައި ތުހުމަތު ކޮށްފައިވާ ގޮތުގައި އޭނާއަށް ވަނީ އެގްރިމެންޓްގައިވާ ކަންކަން ފުރިހަމަކޮށްނުދެވިއެވެ.

އެ ކުންފުނިން ބުނާ ގޮތުގައި ކެންޑަލްގެ ފުރަތަމަ ފޮޓޯ ޝޫޓް ނަގައިފައި ވަނީ 2019ވަނަ އަހަރުއެވެ. ދެވަނަ ޝޫޓް ނަގަން ހަމަޖެހުނީ  2020ވަނަ އަހަރު ކަމަށެވެ. އެހެން ނަމަވެސް ކޮވިޑް-19ގެ ސަބަބުން އެ ފޮޓޯ ޝޫޓަން ކެންޑަލްއަށް އާދެވިފައެއް ނުވެއެވެ. އެހެންކަމުން އެ ކުންފުނިން ވަނީ ފޮޓޯ ޝޫޓް ފަހުގެ ތާރީޚަކަށް ބަދަލު ކުރުމަށް ކެންޑަލްއާއި ވާހަކަ ދައްކަން މަސައްކަތް ކޮށްފައި ކަމަށާއި އެހެން ނަމަވެސް ކެންޑަލްގެ ފަރާތުން އެދެވޭ ޖަވާބެއް ލިބިފައި ނުވާކަމަށް ވެސް އެ ކުންފުނިން ވަނީ ބުނެފައެވެ.

Advertisement
Ooredoo — Truecaller (box)

ކެންޑަލް ބުނެފައިވާ ގޮތުގައި 2020ވަނަ އަހަރުގެ ސެޕްޓެމްބަރާ ހަމައަށް ވެސް އޭނާއަށް އިޓަލީއަށް ނުދެވޭނެއެވެ. އެކަމަކު މި މުއްދަތުގައި އޭނާ ވަނީ އެހެން ކުންފުނިތަކާ އެކުގައި މަސައްކަތް ކޮށްފައިކަމަށް ވެސް ރިޕޯޓްތައް ބުނެއެވެ. އެހެންކަމުން ލިއު ޖޯއިން މަސައްކަތް ކުރަނީ ކެންޑަލް އެންމެ މަދުވެގެން 1.8 މިލިއަން ޑޮލަރުން ޖޫރިމަނާ ކުރާށެވެ. އަދި އެޓާނީ ފީތަކުގެ އިތުރުން ކެންޑަލްގެ ސަބަބުން ކުންފުންޏަށް ލިބުނު އިތުރު ގެއްލުންތަކުގެ ބަދަލު ހޯދުމަށް އެ ކުންފުނިން ދަނީ މަސައްކަތް ކުރަމުންނެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.