ވެކްސިން ކަވަރޭޖް ފުރިހަމަ ކުރުމުން، ކޮވިޑް ވޭދަނައެއް ފެނުނަސް ރަށް މޮނީޓަރިންއަށް ނުލާ ގޮތް ހަދަނީ

ކޮވިޑް-19އިން ރައްކާތެރިވުމަށް ޖަހާ ވެކްސިންގެ ކަވަރޭޖް ފުރިހަމަ ކޮށްފައިވާ ރަށަކުން އެ ބަލި ޖެހިފައިވާ މީހަކު ފެނުނަސް މުޅި ރަށް މޮނިޓަރިންއަށް ނުލާ ގޮތަށް ހެދުމަށް ޕޮލިސީ ބޯޑަށް ހުށަހަޅައިފިއެވެ.

Ads by STELCO

ރަށެއްގައި މީހަކު ހޯމް ކަރަންޓީނުގައި ހުއްޓާ ކޮވިޑަށް ފައްސިވި ނަމަވެސް އެ ރަށް މޮނިޓަރިންއަކަށް ނުލައެވެ. ނަމަވެސް ކަރަންޓީނުން ބޭރުން، ނުވަތަ ފްލޫ ކްލިނިކްތަކަށް ދައްކައިގެން މީހަކު ކޮވިޑަށް ފައްސި ވެއްޖެ ނަމަ އެ ރަށެއް ބަންދުކުރެއެވެ.

މޮނިޓަރިންގެ ހާލަތުގައިވާ ރަށްރަށާ މެދު އަމަލުކުރަން ޖެހޭ ގޮތުގެ އުސޫލު މި ވަގުތު މުރާޖައާ ކުރަމުން އަންނައިރު، އެނގިފައިވާ ގޮތުގައި ކޮވިޑަށް ފައްސި ވޭދަނައެއް ފެނުނަސް މުޅި ރަށް ބަންދު ނުކުރާ ގޮތަށް ހެދުމަށް ސަރުކާރުން ދަނީ މަޝްވަރާ ކުރަމުންނެވެ.

ކޮވިޑަށް ފައްސި ވޭދަނަތަކެއް ފެނިގެން މިވަގުތު މޮނީޓަރިންގެ ހާލަތުގައި އޮތީ 14 ރަށެކެވެ. އޭގެ ތެރެއިން މިވަގުތު އެންމެ ގިނަ ދުވަސް ވަންދެން މޮނީޓަރިންގެ ހާލަތުގައި އޮތީ ރ. ދުވާފަރެވެ. އެ ރަށް މޮނީޓަރިންގައި އޮންނަތާ މިހާރު ތިން މަސް ވަނީއެވެ.