ވައްޑެގެ ތުހުމަތެއް ސަލަފަށް: ނަފްރަތުގެ ބިލާ ދެކޮޅަށް ނެރުނު ޕެޓިޝަންގައި ޝެއިޚުން ކަމަށް ބުނެ އިދާރީ ބައެއް ފަރާތްތަކުން ސޮއި ކުރި
ގާނޫނުލްއުގޫބާތަށް އިސްލާހު ގެނައުމަށް ސަރުކާރުގެ ފަރާތުން ތުޅާދޫ ދާއިރާގެ މެންބަރު ހިސާން ހުސައިން ހުށަހަޅެއްވި ނަފްރަތުގެ ބިލާ ދެކޮޅަށް 101 ޢިލްމުވެރިންގެ ސޮޔާ އެކު ނެރުނު ޕެޓިޝަނުގައި ޝެއިޚުން ނޫން އެހެން ފަރާތްތަކުން ވެސް ސޮއިކޮށްފައިވާ ކަމަށް ރައްޔިތުންގެ މަޖިލީހުގެ އުނގޫފާރު ދާއިރާގެ މެންބަރު މުޙައްމަދު ވަޙީދު (ވައްޑެ) ވިދާޅުވެއްޖެއެވެ.
ވައްޑެ މިހެން ވިދާޅުވެފައި ވަނީ، ރައީސް ނަޝީދަށް އަމާޒުކޮށް މެއި ހަވަނަ ދުވަހު ދިން ހަމަލާ ދިރާސާ ކުރުމަށް އެމްޑީޕީއިން އުފައްދައިފައިވާ މެއި ހައެއް ކޮމިޓީގެ އަދާހަމަ ހާމަ ކުރުމަށް ކޮންމެ ހަފްތާއަކު އެއްފަހަރު އެ ޕާޓީން ކުރިޔަށް ގެންދާ ޕާޓީގެ ޤައުމީ ޖަލްސާގައި ވާހަކަފުޅު ދައްކަވަމުންނެވެ.
ސަރުކާރުން މަޖިލީހަށް މިބިލް ހުށަހެޅުމާ އެކު ގިނަ ބައެއްގެ ކަންބޮޑުވުން ބިލާ މެދު ވަނީ ފާހަގަކޮށްފައެވެ. މިގޮތުން ރާއްޖެގައި ދީނީ ހޭލުންތެރިކަން އިތުރު ކުރުމަށް މަސައްކަތް ކުރާ ޖަމިއްޔާތަކުގެ އިއްތިހާދަކުންވަނީ ވަނީ ބިލާ ދެކޮޅަށް ޚާއްސަ ކެންޕެއިނެއް ކުރިޔަށް ގެންގޮސްފައެވެ. އެ ބިލަކީ ރާއްޖެ ސެކިއުލަރ ޤައުމަކަށް ހެދުމަށް ކުރެވޭ މަސައްކަތެއް ކަމަށް ބުނެ، ރާއްޖޭގެ 100އަށް ވުރެ ގިނަ ކައުންސިލުންނާއި 100އަށް ވުރެ ގިނަ ދީނީ ޢިލްމުވެރިން ވަނީ ބިލާ ދެކޮޅަށް އަޑު އުފުލައިފައެވެ. މިއީ ސީދާ ޖަމިއްޔަތުއް ސަލަފް އިން ނެރުނު ޕެޓިޝަނެއް ނޫންކަން ފާހަގަކޮށްލެވެއެވެ.
މި ބިލާ ދެކޮޅަށް ނެރުނު ޕެޓިޝަނާ ބެހޭ ގޮތުން ވާހަަކަފުޅު ދައްކަަވަމުން ވައްޑޭ ވިދާޅުވީ، ނަފްރަތުގެ ބިލާ ދެކޮޅަށް ޢިލްމުވެރިންތަކެެއް ސޮއިކޮށްފައި ކަމަށް ބުނެ ޕެޓިޝަނެއް ނެރެފައިވާ ކަމަށެވެ. އަދި އިލްމުވެރިންގެ ނަމުގައި އިލްމުވެރިން ނޫން ފަރާތްތަކުން ސޮއިކޮށްފައިވާ ކަމަށާއި އެ މަނިކުފާނު ކައިރީ އެ ވާހަކަ އެ ބޭފުޅުން ވިދާޅުވި ކަމަށް ވިދާޅުވިއެވެ. އެހެން ނަމަވެސް އެއީ ކޮން ޢިލްމުވެރިންނެއް ކަމެއް ހާމައެއް ނުކުރައްވައެވެ.
"އަޅުގަނޑަށް ބައެއް އިލްމުވެރިން މައުލާމާތު ދެއްވާފައި އެބަހުރި އޭގައި މިނިސްޓްރީން ހުއްދަ ދެއްވައިފައި ނެތް ބައެއް ފަރާތްތައް. ސަލަފްގެ އިދާރީ ބައެއް މުވައްޒިފުން ވެސް، ޝެއިޚުންނަށް ނުވާ ބައެއް ފަރާތްތަކުން ވެސް ނަން ޖަހައިފައި ހުރި ކަމަށާއި އަދި ބައެއް އިލްމުވެރިންގެ ނަން، އިލްމުވެރިންގެ ރުހުމާ ނުލާ ވެސް ހިމަނައިފައިވޭ" ވައްޑެ ވަނީ މިގޮތަށް މިކަން ކުރުމުން މިމައްސަލަ އިސްލާމިކް މިނިސްޓްރީން އެކަން ތަޙްޤީޤް ކުރޭތޯ ސުވާލު އުފައްދަވައިފައެވެ.
ނަފްރަތުގެ ބިލު މިހާރު އޮތީ ޖުޑީޝަރީ ކޮމިޓީގައެވެ. މި ބިލް ފާސްކުރުމުގެ އެންމެ ފަހު މަރުހަލާގައި ވަނިކޮށް މިދިޔަ މަހުގެ 8ވަނަ ދުވަހު އެ ބިލު ވަނީ އަނބުރާ ފޮނުވައިލީ ސިޔާސީ ޕާޓީތަކާއި ކަމާ ބެހޭ އެހެން ފަރާތްތަކާ ވެސް އަލުން މަޝްވަރާކޮށް ބިލަށް ބަދަލުތަކެއް ގެންނާށެވެ.
މިއަދު ބޭއްވި ނޫސްވެރިންގެ ބައްދަލުވުމެއްގައި ރައީސް އިބްރާހީމް މުޙައްމަދު ޞާލިޙް ވަނީ ނަފްރަތުގެ ބިލް މިހާރު އޮތް ގޮތަށް ފާސް ކުރަން ނޭދޭ ކަމަށް ވިދާޅުވެފައެވެ.
އަބަދުވެސް މުނާފިޤުންގެ ކިބައިން ފެއްނާނީ ވަހްމާއި
ޙަސަދަ އެއީވެސް ވަށްތަރެއް!
ވަަށްޑެގެފަރާތުންވެސް ފެންނަނީ އެފަދަކަންކަން!
ނަފުތަތުގެ ބިލްގައި ކޮންމެ މީހަކު ސޮއި ކުރިއަސް އަދި ނުކުރިއަސް، މުސްލިމެއް ކަމުގައިވަނީނަމަ ޤަބޫލު ކުރަން ޖެހޭ ޙަޤީޤަތަކީ އެބިލްގެ ސަބަބުން މުސްލިމް މުޖުތަމަޤުއެއްގައި ފިތުނަ އުފެދޭ ގޮަތަށް އޮތްކަން އެއީ ހަމަ ޙަޤީޤަތެއް. ވައްޑެމެން ނަކީ ވިލާތު ޝަތުބަތުގެ އަޅުން. ކަލަކުވާކަން. ޤިޔާމަތް ދުވަސް އަންނާނެކަން، ރަސޫލުން ފޮނުއްވިކަން، ފޮތްބާވާލެއްވިކަން، މަލާއިކަތުން ހެއްދެވިކަން، ކަލަކު ވޮޑިގެންވާކަން، ހެޔޮމިންވަރާއި ނުބައި މިނަވަރަށް އީމާން ވާނަ ޖެހޭކަން ޤަބޫލު ނުކުރާމީހާގެ ހުންނާނީ ހަސަދަވެރިކަން.
މީ ހާދަ މޮޅު މީހެކޭ.
ޝޭހުން އިދާރީ މުވައްޒަފުނަށް ތިބެންޔާ އެމީހުން ވެސް ސޮއި ކުރާނެ ދޯ؟އިދާރީ މުވައްޒަފުނަށް ޝޭހުނަށް ނުތިބެވެނީ ތަ އަނެއްކާ. ސޮއި ތަށް ގުނާ ދެން.
ކޮން މަނިކުފާނެއްތަ އޭނާގެ ނަމުން ލިޔެބަލަަ މަނިކުފާނު ކިޔާވަރުގެ ބައިގަނޑެއްނޫން ތިޔައީކީ. ނަން ނުލިޔަންޏާ މިވެނި މެމްބަރެ ކޭ ލިޔެބަލަ .މަނިކުފާނު ވީމަ ކަމަކު ނުދޭ ބޮލަށް އުނދަގޫވަނީ.
ޜުހުމާނުލާ ނަން ހިމެނިދާނެ އެކަމަކު ނުރުހޭ ނަމަ ސޮއި ނުކުރާނެތާ. ޢެއްވެސް މީހަކު ބުނެގެނެއް ނޫން . ޙަމަ ނަފްރަތު އުފެއް ދުމަށް ދައްކާ ވާހަކަ. މީ ކިހާ ފެންވަރެއްގެ މީހެއްބާ ޝައިޚުންނާ އަޅެގަނެގެން ނުނެއްޓި ގެން މި އުޅެނީ. އިބިލީސްވެސް ބިރުގަންނަ ކަމަށް ވަނީ ޢިލްމްވެރިން ދެކެ .