ނިޔާމަ ރިސޯޓުގައި އަލިފާނުގެ ހާދިސާއެއް ހިނގައިފި
ދ. އަތޮޅުގައި ތަރައްޤީ ކޮށްފައިވާ ނިޔާމަ ޕްރައިވެޓު އައިލެންޑު ރިސޯޓުގައި އަލިފާނުގެ ހާދިސާއެއް ހިނގައިފިއެވެ.
އެނގިފައިވާ ގޮތުގައި އަލިފާން ރޯވެފައި ވަނީ އެ ރިސޯޓުގެ ވޯޓާ ވިލާއެއްގައެވެ.
އޮންލައިން ނޫހަކަށް މައުލޫމާތު ދެއްވަމުން އެ ރިސޯޓުގެ އޮފިޝަލަކު ވިދާޅުވީ މި ހާދިސާ ހިނގައިފައި ވަނީ މިރޭ 8:30 ހާއިރު އެ ރިސޯޓުގެ ވޯޓާ ވިލާއެއްގައި ކަމަށެވެ.
"ވޯޓާ ވިލާ ގޮތަށް ކައިރިކައިރީގައި ހަދާފައި ހުންނަ ފަސް ކޮޓަރީގެ ތެރެއިން އެއް ކޮޓަރީގައި ރޯވީ. މިހާރު އަލިފާންގަނޑު ކޮންޓްރޯލްވެއްޖެ" އޮފިޝަލް އެ ނޫހަށް މައުލޫމާތު ދެއްވާފައިވެއެވެ.
މީގެ އިތުރުން އޭނާ ވިދާޅުވީ އެ ހާދިސާ ހިނގިއިރު، އެތަނުގައި އެއްވެސް މީހަކު ނެތް ކަމަށާއި ހާދިސާގައި އެއްވެސް މީހަކަށް ގެއްލުމެއް ވެސް ލިބިފައިނުވާ ކަމަށެވެ.
އަލިފާނުގެ މި ހާދިސާ ހިނގާފައި ވަނީ ކަރަންޓު ޝޯޓެއްގެ ސަބަބުން ކަމަށް ވެސް އެ އޮފިޝަލު ލަފާ ކޮށްފައިވެއެވެ.
މި ހާދިސާއާ ގުޅިގެން އެމްއެންޑީއެފްގެ އައު މީޑިއާ އޮފިޝަލުގެ ބަހެއް އަދި ލިބިފައެއް ނުވެއެވެ.
Ads by STO
