ދެން އަންނަ ރިޔާސީ އިންތިޚާބެއްގައި ވާދަ ކުރާނީ ދިވެހިރާއްޖެއާ އިންޑިއާ: އަދުރޭ
2023ވަނަ އަހަރު އޮންނަ ރިޔާސީ އިންތިޚާބުގައި ވާދަ ކުރާނީ ދިވެހިރާއްޖެއާއި އިންޑިއާކަމަށް އިދިކޮޅު ކޯލިޝަންގެ ވަގުތީ ލީޑަރު ޢަބްދުއްރަޙީމް ޢަބްދުﷲ ވިދާޅުވެއްޖެއެވެ.
"މަވެސް ޕީޕީއެމް"ގެ ނަމުގައި އިދިކޮޅުން ހިންގާ މެމްބަރޝިޕް އިތުރުކުރުމުގެ ޙަރަކާތުގެ ތެރެއިން ރޭ އައްޑޫ ސިޓީގެ މީދޫގައި ބޭއްވި ޖަލްސާއެއްގައި ވާހަކަ ދައްކަވަމުން ޢަބްދުއްރަޙީމް ވިދާޅުވީ ޤައުމު މި ވަގުތު މި އޮތީ ވަރަށް ޙުތޫރަތްތެރި ޙާލަތެއްގައި ކަމަށާއި ޤައުމުގެ މިނިވަންކަން ގެއްލިފައިވާ ކަމަށެވެ. އަދި ކުރީގެ ރައީސް، ރައީސް ޔާމީން މިނިވަންކުރުމުގެ މަސައްކަތް އިދިކޮޅުން ކުރައްވަމުން ގެންދަވަނީ އެ މަނިކުފާނަކީ ހަމައެކަނި ، ރާއްޖެ ތަރަޢްޤީ ކުރި ލީޑަރަށް ވާތީ ނޫން ކަމަށާއި އެ މަސައްކަތް ކުރައްވަމުން ގެންދަވަނީ ޤައުމު މިނިވަން ކުރުމަށް ޓަކައި ކަމަށް ވެސް ޢަބްދުއްރަޙީމް ވިދާޅުވިއެވެ.
"ރާއްޖޭގެ ތަރައްޤީ ދިވެހިންނަށް ޙާޞިލްކޮށްދިން ރައީސްއަކީ ރައީސް ޢަބްދުﷲ ޔާމީން ޢަބްދުލްޤައްޔޫމް ،ތަރައްޤީ އޮތް ތަނުގައި ބާއްވައިފައި އަޅުގަނޑުމެން ރައީސް ޔާމީން މިނިވަން ކުރުމަށް މި އުޅެނީ ޤައުމު މިނިވަން ކުރުމުގެ ބޭނުމުގައި ، މިއަދު މި ގައުމަކީ މިނިވަން ގައުމެކޭ ބުނުމުގެ ފުރުސަތެއް އަޅުގަނޑުމެންނަކަށް ނެތް" ޢަބްދުއްރަޙީމް ވިދާޅުވިއެވެ.
ހުޅުމީދޫގެ ގިނަ ބަޔަކު ބައިވެރިވި މި ޖަލްސާގައި ވާހަކަ ދައްކަވަމުން ޢަބްދުއްރަޙީމް ވަނީ ފޮރިން މިނިސްޓަރ ޢަބްދުﷲ ޝާހިދަށާއި އިންޑިއާއަށް ވެސް ވަރަށް ބޮޑަށް ފާޑު ވިދާޅުވެފައެވެ. އޭނާ ވިދާޅުވީ ކުރިއަށް އޮތް ރިޔާސީ އިންތިޚާބުގައި ވާދަ ކުރާނެ ޕާޓީތަކާ މެދު ވިސްނުމުގެ ބޭނުމެއް ނެތް ކަމަށާއި އެ އިންތިޚާބުގައި ވާދަ ކުރާނީ ރާއްޖެއާއި އިންޑިއާ ކަމަށެވެ.
" އަޅުގަނޑު މިހާރު ބޭނުމެއް ނޫން ސިއްރުން އެ ވާހަކަ ދައްކާކަށެއް ، ކަނޑައެޅިގެން ރިޔާސީ އިންތިޚާބަކީ އިންޑިއާއިން ވަގަށް ނަގައިދީފައި އޮތް އިންތިޚާބެއް ، މިއަދުގެ ފޮރިން މިނިސްޓަރ ޢަބްދުﷲ ޝާހިދަކީ އިންޑިއާގެ ޕަޕެޓެއް" ޢަބްދުއްރަޙީމް ވިދާޅުވިއެވެ.
ރައްޔިތުން މަޖިލީހުގެ ދަނގެތީ ދާއިރާގެ މެމްބަރު ކާނަލް މުޙައްމަދު ނާޒިމް އިސްވެ ހުންނަވައި ، އުފެއްދުމުގެ މަސައްކަތް ކުރަމުން އަންނަ މޯލްޑިވްސް ނެޝަނަލް ޕާޓީ( އެމްއެންޕީ)އަށް ވެސް ޢަބްދުއްރަޙީމް ވަނީ މި ޖަލްސާގައި ފާޑު ވިދާޅުވެފައެވެ. އެ ގޮތުން އެ ޕާޓީއަކީ ރައީސް ޔާމީންގެ ޕާޓީއެއް ކަމަށް ބުނެ މެމްބަރުން ހަމަކުރުމުގެ މަސައްކަތް ކުރަމުން އަންނަ ކަމަށް ވިދާޅުވެ އޭނާ ވިދާޅުވީ އެ ޕާޓީއަކީ ރައީސް ޞާލިޙަށް ރިޔާސީ ކެނޑިޑޭޓްކަން ހޯއްދަވަން އުފައްދަވަން މަސައްކަތް ކުރައްވާ ޕާޓީއެއް ކަމަށެވެ.
އިދިކޮޅުން މިހާރު ކުރިއަށް ގެންދާ މެމްބަރޝިޕް އިތުރުކުރުމުގެ ޙަރަކާތަށް ބޮޑު ތަރުޙީބެއް ލިބެމުން އަންނަކަމަށް އެ ފަރާތުން ހާމަކުރައްވައިފައިވެއެވެ. އެ ގޮތުން މި ހަރަކާތުގެ ދަށުން މިހާތަނަށް ދަތުރުކުރި ހއ.އަތޮޅާއި އައްޑޫ ސިޓީއާއި ގދ،ބައެއް ރަށްރަށުން 3000އެއްހައި ފޯމް ލިބިފައިވާ ކަމަށް ވެސް އިދިކޮޅުން މައުލޫމާތު ދެއްވައިފައި ވެއެވެ.
އަދުރޭ އިބަ މޮޔަ ނުގޮވާބަލަ. މިފަހަރު އިންތިޚާބުގަ ވާދަކުރާނީ މަގުފުޅާ ޓީނާ ހުނިގޮޑިޔާ. ކަލޯ ކިތަންމެ ހަމަކަންބޮޑު ކޮށްވާހަކަ ދެއްކިޔަސް ވޯޓް ލާން އަންނާނީ ވަގަށްނެގި ހުނިގޮޑިޔާ ފަޅާލި ޖަގިޔާތަށް
ނަރުދޫ ހަސަނު އަށް ބުނެލަން އޮތީ ކަލޯ ކޮންތާކުން ހޯދި މައުލޫމާތެއްތޯ
ހިސާބް ޓީޗަރު މޮޔަގޮވަނީ އެއީކޮންމުބާރާތެތްތޯ ބ ވަގުން