ފޭދޫ ބައު ސްކޫލުގައި ރޯކޮށްލައިފި

ށ. ފޭދޫ ބައު ސްކޫލުގައި އަލިފާނުގެ ހާދިސާއެއް ހިނގައި، ރޯވެ އަނދަމުން އެބަދެއެވެ.

Ads by Hajj Corporation

ފޭދޫ ކައުންސިލު ރައީސް އަހުމަދު ރައިސަމް އެކަން "ދެން" އަށް ޔަގީން ކޮށްދެއްވަމުން ވިދާޅުވީ، ބެލެވެނީ އެ އިމާރާތުގައި ބަޔަކު ގަސްތުގައި ރޯކޮށްލީ ކަމަށެވެ.

ފޭދޫ ބައު ސްކޫލުގައި ރޯކޮށްލައިގެން އުޅޭ ކަމުގެ ރިޕޯޓު ލިބިފައި ވަނީ މިރޭ 10:30 ހާއިރު ކަމަށް ވެސް ރައިސަމް ވިދާޅުވިއެވެ.

"ނަމަވެސް އޭގެ ކުރިން އެތަނުގައި ރޯކޮށްލައިފައިވާ ކަމަށް އަޅުގަނޑުމެންނަށް ލަފާ ކުރެވެނީ. އަަޅުގަނޑުމެން އައި އިރު އެތަން ވަރަށް ބޮޑަށް އަނދައިފައި ވަނީ" ފޭދޫ ކައުންސިލު ރައީސް ވިދާޅުވިއެވެ.

މި ހާދިސާއާ ގުޅޭގޮތުން އަދި އެމްއެންޑީއެފްގެ ބަހެއް ލިބިފައެއް ނުވެއެވެ.