ޕީސީއާރް ޓެސްޓާ ނުލައި 28 ރަށަކަށް ދެވޭނެ!
ކޮވިޑް-19 ޖެހިފައިވޭތޯ ބެލުމަށް ހަދާ ޕީސީއާރް ޓެސްޓު ނުހަދާ ދަތުރު ކުރެވޭނެ ރަށްތައް ހެލްތު ޕްރޮޓެކްޝަން އޭޖެންސީ (އެޗްޕީއޭ)އިން އާއްމު ކޮށްފިއެވެ.
އެޗްޕީއޭއިން މިރޭ ނެރުނު އިއުލާނެއްގައި ވިދާޅުވެފައި ވަނީ ވެކްސިން ޖެހުމުގެ އާބާދީގެ 90 އިންސައްތަ މީހުން ވެކްސިންގެ ދެ ޑޯޒު ފުރިހަމަކޮށްފައިވާ ރަށްރަތަކަށް ޓެސްޓް ހެދުމަކާ ނުލައި ދަތުރު ކުރެވޭނެ 28 ރަށެއް އިއުލާންކޮށްފައެވެ.
އޭގެ ތެރޭގައި ހިމެނެނީ ހއ. އުލިގަމާއި ހއ. މުރައިދޫ، ހދ. ހިރިމަރަދޫ، ހދ. ނެއްލައިދު، ރ. މަޑުއްވަރީ، ރ. މީދޫ،ރ. އަލިފުއްޓާއި ބ. ފެހެންދޫ، ބ. ފުޅަދޫ ބ. ދޮންފަނާއި ބ. ކިހާދޫ އާއު ބ. އޭދަފުއްޓާއި ބ. މާޅޮހާއި ބ. ކަމަދޫއާއި އއ. މަތިވެރި، އދ. ދިގުރަށުގެ އިތުރުން އދ. ފެންފުއްޓާއި އދ. ދިއްދޫ، ވ. ރަކީދޫ، ވ. ފެލިދޫއާއި ވ. ކެޔޮދޫ، ވ. ފުލިދޫ، ފ. މަގުދޫ، ފ. ދަރަނބޫދޫ، ފ. ފީއަލިގެ އިތުރުން ލ. ހިތަދޫ އާއި ގއ. ދެއްވަދޫގެ އިތުރުން ގދ. ރަތަފަންދޫއެވެ.
އެޗްޕީއޭއިން ވިދާޅުވީ މިއަދުން ފެށިގެން ވެކްސިންގެ 2 ޑޯޒް ފުރިހަމަކޮށް 14 ދުވަސް ވެފައިވާ ފަރާތްތަކުން ދަތުރު ފަށާ ރަށުގެ ހަފްތާއަކު ނެގޭ ސުންކުގެ ނިސްބަތުން ފައްސިވީ ރޭޓް 5% އަށް ވުރެ ދަށް ނަމަ ޕީސީއާރް ޓެސްޓްއަކާ ނުލައި ދަތުރު ކުރެވޭނީ ދަތުރު ކުރާ ރަށުގެ ވެކްސިން ފުރިހަމަވާ ނިސްބަތަށް ބެލުމަށް ފަހުގައި ކަމަށެވެ.
