"އިޤްތިޞާދު، އަސާރަ އެޅި ބިލަމަގެއްހެން މިލާ މޯޅިވެފައި އޮއްވާ ކޮޅަށް ޖެއްސެވީ ރައީސް ޔާމީން"
އެމްޑީޕީން 2008ވަނަ އަހަރު ރާއްޖޭގައި ވެރިކަންކުރުމަށް ފަހު އިސްތިއުފާދިންއިރު ގައުމުގެ އިގްތިސޯދު އޮތީ އަސާރަ އެޅި ބިލަމަގެއްގެ މިސާލުގައި ކަމަށާއި އެތައް ގޮން ޖެހުންތަކަކާ އެކު އިގްތިސޯދު ނަގައި ކޮޅަށް ޖެއްސެވީ ކުރީގެ ރައީސް، ރައީސް އަބްދުﷲ ޔާމީން އަބްދުލްގައްޔޫމުކަމަށް ހޯމް މިނިސްޓްރީގެ ކުރީގެ ސްޓޭޓު މިނިސްޓަރު ޝިފާޤް މުފީދު (ހިސްޓޯ) ވިދާޅުވެއްޖެއެވެ.
ބުރާސްފަތި ދުވަހުގެ ރޭ ޕީޕީއެމް އޮފީހުގައި އޮތް ޖަގަހަ ޖަލްސާގައި ވާހަކަ ދައްކަވަމުން ރައްޔިތުންގެ މަޖިލީހުގެ މެމްބަރުކަން ވެސް ކުރިން ކުރައްވައި އެމްޑީޕީގައި ވެސް އިސްކޮށް އުޅުއްވި ޝިފާގު ވިދާޅުވީ އެމްޑީޕީއިން ވެރިކަމަށް އަންނަ ކޮންމެ ފަހަރަކު ވެސް ގައުމު އިނދަ ޖައްސައިފައިވާ ކަމަށާއި އެ ގޮތުން ރައީސް ޔާމީން ގައުމުގެ ޒައާމަތާ ހަވާލުވެވަޑައިގެންނެވިއިރު ގައުމުގެ އިގްތިސޯދު އޮތީ އެއްކޮށް އަވީލައި މިލާ މޯޅިވެފައި އޮތް ބިލަމަގެއްގެ މިސާލުގައި ކަމަށެވެ.
"މިއީ އަޅުގަނޑު ނުދެންނެވި ނަމަވެސް ގައުމުގެ ހުރިހާ ރައްޔިތުންނަށް މިހާރު ހާމަވާނެ ކަމެއް. ކޯލިޝަންގެ ބައިވެރިން ދަނީ އެއް ބަޔަކު އަނެއް ބަޔަކަށް ވަގަށް ގޮވަމުން. މިވަރުން ވައްކަންތަކެއް ސަރުކާރުގެ ތެރެއިން ކޮށްފިކަން ޔަގީންވޭ. ދައުލަތުގެ މާލިއްޔާގައި ހަމަ ގައިމު ވެސް ލޯ ލާރިއެއް ވެސް ނެތްކަން މުޖުތަމައުގައި ހިގަމުންދާ ކަންކަމުން އެނގޭ. ނަމަވެސް މި ސަރުކާރު ވެރިކަމާ ހަވާލުވިއިރު ދައުލަތުގައި ހަޒާނާގައި އެތައް ފައިސާއެއް ހުރި. ނަމަވެސް ރައީސް ޔާމީން ޒައާމަތާ ހަވާލުވެވަޑައިގެންނެވިއިރު ގައުމުގެ އިގްތިސޯދު އޮތީ އަސާރަ އެޅި ބިލަމަގެއް ފަދައިން މިލައި މޯޅީވެފައި. ގައުމުގައި ހުރި ހަރު މުދާ އޭރު އެމްޑީޕީން ވިއްކައިލުމުން ރައީސް ޔާމީންގެ އިރުޝާދާ އެކު ކުރި މަސައްކަތުން ގައުމަށް އާރޯކަމާއި ތާޒާކަން ލިބިގެން ދިޔަ" ހިސްޓޯ ވިދާޅުވިއެވެ.
ޝިފާގު ވިދާޅުވީ އެތައް ގޮންޖެހުންތަކާ އެކު ވެސް ބޭރުގެ އެކި ކުންފުނިތަކަށް ދޭން ޖެހުނު ބަދަލު ވެސް ދިނުމަށް ފަހު ރައީސް ޔާމީން ގައުމު ހިންގެވީ ރޮކެޓު ސްޕީޑުގައި ކަމަށާއި ނަމަވެސް މިޙާރު އަނެއްކާ ވެސް ފެންނަމުންދަނީ 2008ގައި އޮތް އެމްޑީޕީގެ ވެރިކަން އިއާދަވަމުން ދާ މަންޒަރުކަމަށް ވެސް އޭނާ ވިދާޅުވިއެވެ.
ޝިފާގު މިފަދަ މޭރުމަކުން ގައުމުގެ އިގްތިސޯދާ މެދު ކަންބޮޑުވުން ފާޅުކުރައްވާފައިވާއިރު، ގައުމުގެ އިގްތިސޯދު ހީނަރުވެ ދަރަނި އިތުރުވެފައިވާތީ ރާއްޖޭގެ ކްރެޑިޓް ރޭޓިން އިދާރާތަކުން ވަނީ ރޭޓިން ދަށް ކޮށްފައިކަން ފާހަގަކޮށްލެވެއެވެ.
އަދުރޭ ކަލޯގެ ބިލަމަގަށް މާޅޮހުން އަސާރަ އަޅާދޭނެ މަންޖެއަކު ނުވީމަ ދޯ އެންމެފަހުން ރުބެލް ލައްވާ އަސާރަ އަޅުވައިގެން އެވަހަކަ ދައްކަނެ ގޮތެއްނެތިގެންދޯ ތިޔަ އިގްތިޞޯދޭ ފުށްގިރިޔޭ އަސާރަޔޭ ވ.އަތޮޅު އާރަށޭ ބޮޑުވަގޭ ތިޔަގޮވަނީ. ރާއްޖެ މިހާރުމިދެކޭފަދަ އިޤުތިޞޯދީ ތަރައްޤީ އެއް މީން ޒަމާނަކުވެސް ނުފެންނަކަމަށް އަމިއްލަޔަށް އިއޫތިރާފް ވުންވެސް މާތާހިރުވާނެ. ތިޔަބުނާ ރުބެލްއަކު ރާއްޖޭގެ އިޤުތިޞޯދު ގޯނިގޯންޏަށް އަޅައިގެން ވަގަށް އެސޮރުގެ ހޮރަށް ވެއްދީ . އެވެސް ރުބެލް ލައްވަ