ރައީސް ޔާމީނަށް ޖަމާވީ ވޮޑަމުލާގެ ފައިސާކަން ސާބިތުވެގެން މެނުވީ މަނީ ލޯންޑަރިންގެ ކުށް ސާބިތެއް ނުވާނެ: އަޙްމަދު
ކުރީގެ ރައީސް، ރައީސް ޔާމީންގެ އެކައުންޓަށް ޖަމާވީ ވޮޑަމުލާގެ ފައިސާކަން ސާބިތުވެގެން މެނުވީ މަނީ ލޯންޑަރިންގެ ކުށް ސާބިތު ނުވާނެ ކަމުގައި ކުރީގެ އުއްތަމަ ފަނޑިޔާރު ޑރ.އަހުމަދު ޢަބްދުﷲ ދީދީ ވިދާޅުވެއްޖެއެވެ.
އަހުމަދު ދެންމެ ކުރެއްވި ޓްވީޓެއްގައި ވިދާޅުވީ ރައީސް ޔާމީންގެ އެކައުންޓަށް ޖަމާވި ފައިސާޔަކީ ގއ. ވޮޑަމުލާ ކުށްޔަށް ދީގެން ދައުލަތަށް ލިބެންޖެހޭ ފައިސާ ކަމުގައި ދައުލަތުން ދަޢުވާކުރާ ނަމަ، އެ ކަން ސާބިތު ކުރުމުގެ އިތުރުން އެ ފައިސާޔަކީ ޤާނޫނު ނަންބަރު 10/2014 ގެ 7 ވަނަ މާއްދާ އާ ޙަވާލާދީ ކޮން ކުށެއް ކޮށްގެން ހޯދައިފައިވާ ފައިސާއެއްކަން ވެސް ސާބިތުކޮށް ދިނުމަކީ ޕްރޮސެކިއުޓަރ ޖެނެރަލްގެ މައްޗަށް ލާޒިމްވެގެންވާ ކަމެއް ކަމަށެވެ.
އަޙުމަދު ވިދާޅުވީ އެކަން ސާބިތު ނުވާ ނަމަ ޙަވާލާދެވޭ ދަޢުވާ އަކީ ޢުންޞުރު ފުރިހަމަ ނުވާ ދަޢުވާއެއް ކަމަށެވެ. ލޯންޑަރ ކުރެވޭ މުދަލަކީ ޖިނާއީ ކުށެއް ކޮށްގެން ހޯދައިފައިވާ މުދަލެއްކަމުގައި ނުވާ ނަމަ، މަނީ ލޯންޑަރިންގގެ ކުށުގެ މާއްދީ ރުކުން ފުރިހަމަވުމަށް ޤާނޫނުން ލާޒިމްކުރާ އިފްތިރާޟީ ރުކުން ނަފީވެގެން ދާނެ ކަމަށާއި ނަތީޖާއެއްގެ ގޮތުން މަނީ ލޯންޑަރިންގގެ ކުށް ވެސް ނަފީވެގެން ދާނެ ކަމަށް އަޙުމަދު ވިދާޅުވިއެވެ.
މީގެ އިތުރުން އަޙުމަދު ވިދާޅުވީ ރައީސް ޔާމީނަށް ޖަމާވީ ވޮޑަމުލާގެ ފައިސާކަން ސާބިތުވެގެން މެނުވީ މަނީ ލޯންޑަރިންގެ ކުށް ސާބިތު ނުވާނެ ސަބަބަކީ އެ ކުށުގެ ޤާނޫނީ ސްޓްރަކްޗަރ ބިނާވެގެން ވަނީ އެ ކުށް ތަޖްރީމް ކުރެވިފައިވާ ޤާނޫނީ ނައްޞުތަކުގެ މައްޗަށް ކަމުގައިވާއިރު، މަނީ ލޯންޑަރިންގގެ ކުށުގެ އެންމެހައި ރުކުންތަކާއި ޢުންޞުރުތައް އެ ކުށުގައި ފުރިހަމަވުން ލާޒިމުވެގެންވާތީ ކަމަށެވެ.
ރައީސް ޔާމީނުގެ މައްޗަށް ދަށު ކޯޓުން މަނީ ލޯންޑާ ކުރި ކަމުގެ ކުށް ސާބިތުވާ ކަމަށް ކަނޑައަޅައި އެ މަނިކުފާނުގެ މައްޗަށް ކްރިމިނަލް ކޯޓުން ވަނީ، 5 އަހަރު ދުވަހަށް ޖަލަށް ލުމާއެކު 5 މިލިއަން ޑޮލަރުން ޖޫރިމަނާ ކޮށްފައެވެ.
ޓިކަހަލަ ސިޔާސީ މީހުނަސް ފަދިޔާޔުކަން ޑީފިނަމަ ވާނީ ކިހިނެއް. ޢެނޫންމީހެއްނެއް މިހާރު.. ކިހާދޫ އަލީ ގާޒީ ވަކިނުކުރިކަން އެއީވެސް ގޯހެއް. ޙުރިޟުދަލުގެ ވާހަކަ އެގިއްޖެނަމަ މީހުން ހޭނެތޭނެ.. ވިސްނާ ވިސްާ
މިސަރުކާރަކަސް އެއްވެސް އުންސުރެއް ފަންސުރެއް ބެލުމެއް ނޯންނާނެ ހިތައްއެރިކަމެއް ހިތުހުރިގޮތަކަށް ކޮށްނިންމާލާނީ މިއޮތީ ޖަންގަލީގެ ނުވަތަ ކަނޑުގެ ޙުކުމް މިރާއްޖޭގަ ގާއިމްކޮށްފަ
މިއޮތީ ޢަދުލް އިންޞާފް ގާއިމްކުރަންއައި ސަރުކާރެކޯލަ އަދި ޖުޑިސަރީވެސް އިސްހާޙް ކޮށްފަޔޯލަ ޗީޗީ މިކުރަނީވެސް ވެރިކަމެއްދޯ މަވާ ހޮޑުލެވޭވަރުވޭ އައްޗީޗީ
މާތް ﷲގެމިންވަރުފުޅުން ރައީސް ޔާމީނަށް ހެޔޮގޮތް މިންވަރު ކުރަށްވާށި. އާމީން.
ހެހެ، ޕީެޗްޑީ ޖޯކްސް. ކަލޯ ފައިސާ ލިބުނުގޮތެއްވެސް އޮންނަންވާނެތާދޯ.
ގާނޫނީ ހަމަތައް އެނގޭތަ؟؟