Tuesday, 17 November 2026
Advertisement
MWSC — SmartMeter (leaderboard)
ސިޔާސީ

އެމްޑީޕީ އެތެރޭގެ އިންތިހާބު: ވާދަވެރިކަމުގެ ފޯރިއާއެކު ކުރިއަށް!

އެމްޑީޕީ އެތެރޭގެ އިންތިހާބު: ވާދަވެރިކަމުގެ ފޯރިއާއެކު ކުރިއަށް!

ވެރިކަން ކުރާ އެމްޑީޕީގެ ގައުމީ މަޖިލީހުގެ އިންތިހާބުގެ ވޯޓުލުން މިއަދު ހެނދުނު ފެށިގެން ކުރިއަށް އެބަދެއެވެ.

ނުހަނު ބޮޑު ވާދަވެރިކަމާއި ފޯރި އިތުރު ވެފައިވާ އެ އިންތިހާބުގެ ވޯޓުލުން ކުރިއަށް ދާނީ މިއަދު ހެނދުނު 9:00 އިން ހަވީރު 5:00އާއި ހަމައަށެވެ.

މި އިންތިހާބުގައި ވޯޓުލުމުގެ ހައްގު ލިބިފައިވާ އެމްޑީޕީގެ 93،000އަށް ވުރެ ގިނަ މެންބަރުން އެބަތިއްބެވެ. މި އިންތިޚާބުގައި އެކި ދާއިރާތަކަށް 733 ކެނޑިޑޭޓުން ވާދަކުރެއެވެ. މީގެ ތެރެއިން އެކި ދާއިރާތަކަށް 455 މީހުން ހޮވަން ޖެހޭ މި އިންތިހާބުގައި، 165 މީހުން ވަނީ ވާދަވެރިއަކު ނެތުމުން އިންތިހާބަކާ ނުލައި ހޮވިފައެވެ.

Advertisement
Allied — Dhen Online (box)

އެމްޑީޕީގެ ގައުމީ މަޖިލީހުގެ އިންތިހާބުގެ ވޯޓުލުން ކުރިއަށް ދާއިރު ޕާޓީގެ އިސް ލީޑަރ ރައީސް އިބްރާހިމް މުޙައްމަދު ޞާލިހާއި އެމްޑީޕީގެ ރައީސް މުޙައްމަދު ނަޝީދުއާ ދެމެދު ވަނީ ހިޔާލު ތަފާތުވުން އުފެދި އެ ޕާޓީ ވެސް ދެ ފެކްޝަނަކަށް ބައިވެފައެވެ.

ގައުމީ މަޖިލީހުގެ ކެމްޕޭންގެ ވާދަވެރިކަން ބޮޑުވެފައި ވަނީ އެ ދެ ބޭފުޅުންގެ ވާދަވެރިކަމާ ހެދިއެވެ. އެގޮތުން އިންތިހާބުގައި ވާދަ ކުރައްވާ ކެނޑިޑޭޓުންގެ ތެރެއިން ރައީސް ނަޝީދު ތާއީދު ކުރައްވަނީ ބަރުލަމާނީ ނިޒާމަށް ތާއީދުކުރައްވާ ކެންޑިޑޭޓުންނަށެވެ. ނަމަވެސް ރައީސް ޞާލިޙަށް ތާއީދު ކުރައްވާ ބޭފުޅުން ޖުމްލަ ގޮތެއްގައި އެކަމާ ދެކޮޅެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.