މެދު އުތުރު ޕްރޮވިންސް ނެގީ މަޙްލޫފް، މަރުޙަބާ!
މޯލްޑިވްސް ޑިމޮކްރެޓިކް ޕާޓީ (އެމްޑީޕީ)ގެ މެދު އުތުރު ޕްރޮވިންސްގެ ރައީސަކަށް ސަސްޕެންޝަންގައި ހުންނެވި ، ޔޫތު މިނިސްޓަރ އަޙްމަދު މަޙްލޫފް ހޮވިއްޖެއެވެ.
މަޙްލޫފް އިންތިޚާބު ކާމިޔާބުކޮށްފައި ވަނީ ތަފާތު ބޮޑު ނަތީޖާއަކުންނެވެ.
މި ދާއިރާއަށް މަހުލޫފާ ވާދަކޮށްފައި ވަނީ މޫސާ ނަޢީމާއި އަލީ ޝާހީން ހުސެއިނެވެ. މެދު އުތުރު ޕްރޮވިންސްގައި ހިމެނެނީ އއ، އދ، ކ އަދި ވ އަތޮޅުގެ ރަށްތަކެވެ.
މަހުލޫފް ސަންޕެންޑް ކޮށްފައި ވަނީ އެމްއެމްޕީއާރސީ ޚިޔާނާތުގެ މައްސަލައިގައި އޭނާގެ މައްޗަށް ދައުވާ އުފުލުމުންނެވެ. ޚިޔާނާތުގެ މައްސަލައިގައި ކުރެވުނު ތުހުމަތާ ގުޅިގެން މަޙްލޫފަށް ވާދަ ނުކުރެވޭނެ ކަމަށް އެމްޑީޕީއިން ނިންމި ނަމަވެސް އެ ޕާޓީގެ އިސްތިއުނާފުގެ ފަނޑިޔާރުންގެ މަޖިލީހުން ވަނީ ކެނޑިޑެންސީއާ ގުޅޭ ގޮތުން އޭނާ ހުށަހެޅުއްވި މައްސަލަ ބައްލަވައި އިންތިޚާބުގައި ވާދަ ކުރެވޭނެ ކަމަށް ނިންމައިފައެވެ. މަހްލޫފް ވަނީ އެ ދައުވާއަށް އިންކާރު ކުރައްވައިފައެވެ.
Ads by STO
