Saturday, 21 November 2026
Advertisement
STO — McCoy (leaderboard)
ވިޔަފާރި

މަސްވެރިކަމުގެ ސިނާއަތް ކުރިއަރުވަން ގިނަ މަސައްކަތްތަކެއް

މަސްވެރިކަމުގެ ސިނާއަތް ކުރިއަރުވަން  ގިނަ މަސައްކަތްތަކެއް

ރާއްޖޭގެ އިގްތިސާދުގެ މައި އެއް ތަނބު ކަމަށްވާ މަސްވެރިކަމުގެ ސިނާއަތް ކުރިއެރުވުމަށާއި، މަސްވެރިންނަށް ދިމާވެފައިވާ ދަތިތައް ހައްލުކޮށްދިނުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ސަރުކާރުން ފާއިތުވި މުއްދަތުގެ ތެރޭގައި ގިނަގުނަ މަސައްކަތްތަކެއް ކޮށް، ފާހަގަކޮށްލެވޭ ބޮޑެތި ކާމިޔާބީތަކެއް ހޯދައިފިއެވެ. 
މިދިޔަ ތިން އަހަރުތެރޭ ސަރުކާރުން ވަނީ މަސްވެރިން ކިރުވާ މަހަށް 48 ގަޑިއިރުގެ ތެރޭގައި ފައިސާ ދޫކުރުމުގެ ސިޔާސަތުގެ ދަށުން، 17 ނޮވެމްބަރު 2023އިން 16 ނޮވެމްބަރު 2026ގެ ނިޔަލަށް މަސްވެރިންނަށް ޖުމްލަ 2.34 ބިލިއަން ރުފިޔާ ވަނީ ދޫކޮށްފައެވެ. މީގެ ތެރޭގައި 48 ގަޑިއިރުގެ ތެރޭގައި ދޫކުރި 1.3 ބިލިއަން ރުފިޔާއާއި، ކުރީގެ ސަރުކާރުން ނުދައްކާ ހުރި 250 މިލިއަން ރުފިޔާގެ ބެކްލޮގް ހިމެނެއެވެ. މީގެ އިތުރުން، މަސްވެރިންނަށް ލުއިފަސޭހަކޮށްދިނުމުގެ ގޮތުން 20 ރަށެއްގައި ބޭންކް އޮފް މޯލްޑިވްސް (ބީއެމްއެލް)ގެ އޭޓީއެމް ވަނީ ބަހައްޓާފައެވެ.

ކޯލްޑް ސްޓޯރޭޖާއި އައިސް ޕްލާންޓްތައް އިތުރުކުރުން

މަސް ފިނިކޮށް ރައްކާކުރުމުގެ ގާބިލުކަން އިތުރުކުރުމަށް ކުރެވޭ މަސައްކަތުގެ ދަށުން، މިހާރު ހުރި 9,500 ޓަނުގެ ކޯލްޑް ސްޓޯރޭޖް ކެޕޭސިޓީ 2028ވަނަ އަހަރުގެ ނިޔަލަށް 25,000 ޓަނަށް އިތުރުކުރުމަށް ވަނީ އަމާޒު ހިފާފައެވެ. އަދި މަސްވެރިންނަށް އައިސް ހޯދުމުގައި ހުރި ދަތިތައް ހައްލުކުރުމަށް 40 ރަށެއްގައި އައިސް ޕްލާންޓް ގާއިމުކުރުމުގެ މަސައްކަތް ކުރިއަށްދާއިރު، މިހާތަނަށް 1,400 ޓަނުގެ އައިސް ޕްލާންޓް ކެޕޭސިޓީ ވަނީ އިތުރުކުރެވިފައެވެ.

މަސްވެރިންގެ ގައުމީ ދަފްތަރާއި މާލީ އެހީތެރިކަން 
މަސްވެރިކަމަކީ ދައުލަތް ދަންނަ ރަސްމީ މަސައްކަތަކަށް ހެދުމަށްޓަކައި "މަސްވެރިންގެ ގައުމީ ދަފްތަރު" އެކުލަވާލައި، ބޭންކިންގ ނިޒާމުގެ ތެރެއިން ލޯނު ލިބޭނެ މަގު ވަނީ ފަހިކޮށްދީފައެވެ. މި ދަފްތަރުގައި 100 އިންސައްތަ މަސްދޯނިފަހަރު ރަޖިސްޓްރީކޮށްފައިވާއިރު، މިހާތަނަށް 119 މަސްވެރިއަކަށް 15 މިލިއަން ރުފިޔާގެ ލޯނު ވަނީ ދޫކޮށްފައެވެ. ހަމައެއާ އެކު، އާރްއެސްޑަބްލިއު ސިސްޓަމް ހަރުކުރުމަށް 55 ފަރާތަކަށް 27 މިލިއަން ރުފިޔާގެ ލޯނު ދޫކޮށްފައިވާއިރު، 111 ކަނދުފަތި އަޅައިދީފައިވެއެވެ.

ތެލުގެ ސަބްސިޑީއާއި ބައިނަލްއަގުވާމީ މާކެޓް ހޯދުން 
އެސްޓީއޯގެ ރޭޓުގައި މަސްވެރިންނަށް ތެޔޮ ފޯރުކޮށްދިނުމުގެ ޕްރޮގްރާމްގެ ދަށުން، މިހާތަނަށް 7.41 މިލިއަން ލީޓަރުގެ ތެޔޮ ވަނީ ފޯރުކޮށްދީފައެވެ. މީގެ އިތުރުން، 2024އިން 2026ގެ ނިޔަލަށް 102 ފަރާތެއް ތަމްރީނުކޮށް، ފަރުމަސްވެރިކަމާއި ސްޕޯޓްސް ފިޝިން އަދި މެރިކަލްޗަރ ސިނާއަތް ފުޅާކުރުމަށް ވެސް ގިނަ ފިޔަވަޅުތަކެއް ވަނީ އަޅާފައެވެ. 
ބައިނަލްއަގުވާމީ ބާޒާރުގައި ދިވެހި މަހަށް އޮތް ޑިމާންޑް އިތުރުކުރުމަށްޓަކައި އީޔޫ-އޭސީޕީ ސެޓްލްމަންޓްގައި ސޮއިކުރުމާއި، "ފްރޮމް މޯލްޑިވްސް" ބްރޭންޑް ތައާރަފުކުރުމުގެ އިތުރުން، ޗައިނާގެ ބާޒާރަށް ޑިއުޓީއާ ނުލައި 20 ބާވަތެއްގެ މަސް އެކްސްޕޯޓް ކުރުމުގެ ފުރުސަތުވެސް ވަނީ ހޯދާފައެވެ.  

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.