ގައްދޫ ރައީސަކަށް ސަޢީދު!
މިއަދު ކުރިޔަށް ދިޔަ އެމްޑީޕީގެ އެތެރޭގެ އިންތިޚާބުގައި ގއ.ގައްދޫ ދާއިރާގެ ރައީސްކަން ފެނަކައިގެ މެނޭޖިން ޑިރެކްޓަރ އަޙްމަދު ސަޢީދު މުޙައްމަދު ކާމިޔާބު ކުރައްވައިފިއެވެ.
އޭނާ ރައީސްކަން ކާމިޔާބު ކުރެއްވީ، ހުސައިން ނަޒީފާއި ޢަބްދުﷲ ޝަރީފްއާ ވާދަ ކުރައްވައިގެންނެވެ. ސަޢީދު މި ވޯޓް ކާމިޔާބު ކުރެއްވީ ބޮޑު ތަފާތަކުންނެވެ.
މެއި ހަވަނަ ދުވަހު ރައީސް ނަޝީދަށް ދިން ހަމަލާއާ ގުޅިގެން ފަސް ކުރެވުނު މި އިންތިޚާބު ވާދަވެރިވެ އެމްޑީޕީގެ ދަފުތަރުގައި އޮންނަ ގިނަ ބަޔަކު ވޯޓްލައިފައި ވެއެވެ. އިންތިޚާބުގެ ވާދަވެރިކަން އިތުރުވެގެން ދިޔައީ ރައީސް ޞާލިޙާއި ރައީސް ނަޝީދާ ދެމެދު އުފެދިގެން ދިޔަ ނުތަނަވަސްކަމުގެ ސަބަބުންނެވެ. އެކަމުގެ ސަބަބުން ދެ ރައީސުންގެ ކެނޑިޑޭޓުން ވަނީ އިންތިޚާބުގައި ވާދަކޮށްފައެވެ. ނަމަވެސް މި އިންތިޚާބުގައި ކުރި ހޯދަމުން ދަނީ ރައީސް ޞާލިޙަށް ތާއީދު ކުރައްވާ ކެނޑިޑޭޓުންނެވެ.
