ވައިގެމަގުން އެތެރެކުރަން އުޅުނު ޕާޓީ ޑްރަގުތަކެއް އަތުލައިގެންފި
.jpeg)
ވައިގެމަގުން ރާއްޖެއެތެރެކުރަން އުޅުނު ބައި ކިލޯއަށް ވުރެ ގިނަ ޕާޓީ ޑްރަގްސް ވެލާނާ އިންޓަނޭޝަލް އެއާޕޯޓުން އަތުލައިގެންފިއެވެ.
ކަސްޓަމްސްއިން އެކަން ހާމަކުރީ މިއަދު ސޯޝަލް މީޑިއާގައި ކުރި ޕޯސްޓެއްގައެވެ.
އެގޮތުން މި މަހުގެ 11 ވަނަ ދުވަހު ބަންގްލަދޭޝްއިން ރާއްޖެއައި 32 އަހަރުގެ ބަންގްލަދޭޝް ފިިރހެން ފަސިންޖަރެއްގެ ލަގެޖްގައި މަސްތުވާތަކެތި ރައްކާކޮށްގެން ގެނެސްފައިވާކަމަށް ޝައްކުކުރެވިގެން، އެފަސިންޖަރުގެ ލަގެޖް ބަލާފާސްކުރުމުގެ ތެރޭގައި މަސްތުވާތަކެތި ފެނުނުކަމަށް ކަސްޓަމްސްއިން ބުންޏެވެ.
އޭގައި ހުރީ ސިންތެޓިކް އެމްފެޓަމައިން ކަމަށާއި ބަރުދަނުގައި 560ގްރާމްހުރި ކަމަށް ވެސް ކަސްޓަމްސްއިން ބުންޏެވެ.
ފަހަކަށް އައިސް ރާއްޖެ އެތެރެކުރަން އުޅެނިކޮށް ކަސްޓަމްސްއިން އަތުލައިގަންނަ މަސްތުވާތަކެތީގެ އަދަދު ވަނީ އިތުރުވެފައެވެ.






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.