ރަސްމާދޫގައި ކީރިތި ޤުރުއާނާ ބެހޭ މަރުކަޒުގެ ގޮފިއެއް ހުޅުވައިފި
ރާއްޖޭގެ ހުރިހާ ރަށެއްގައި ކީރިތި ޤުރުއާނާ ބެހޭ މަރުކަޒުގެ ގޮފިތައް ހުޅުވުމަށް ކުރާ މަސައްކަތުގެ ދަށުން، ރ. ރަސްމާދޫގައި އެ މަރުކަޒުގެ ގޮފިއެއް މިއަދު ހުޅުވައިފިއެވެ.
ރާއްޖޭގެ ހުރިހާ ރަށެއްގައި ކީރިތި ޤުރުއާނާ ބެހޭ ޤައުމީ މަރުކަޒުގެ ގޮފިތައް ޤާއިމުކުރުމަށް ސަރުކާރުން ފަށާފައިވާ ޚާއްސަ މަޝްރޫޢުގެ ދަށުން، ރ. ރަސްމާދޫގައި އެ މަރުކަޒުގެ ގޮފިއެއް މިއަދު ހުޅުވައިފިއެވެ.
މި ގޮފި ހުޅުއްވައިދެއްވީ އިސްލާމީ ކަންތައްތަކާ ބެހޭ ވަޒީރުގެ ނައިބު އަލްއުސްތާޛު ޢަބްދުލްޣަފޫރު އަޙުމަދެވެ.
ކީރިތި ޤުރުއާނުގެ ޢިލްމު ފެތުރުމަށް ސަރުކާރުން ދޭ އިސްކަމުގެ ދަށުން، ރާއްޖޭގެ އެކި ރަށްރަށުގައި ޤުރުއާނާ ބެހޭ މަރުކަޒުގެ ގޮފިތައް ޤާއިމުކުރުމުގެ މަސައްކަތް މިހާރު ދަނީ ކުރަމުންނެވެ.
ޤުރުއާނުގެ ޢިލްމު ކުރިއެރުވުމަށް ސަރުކާރުން ގިނަ މަސައްކަތްތަކެއް ކުރަމުން އަންނައިރު، ކީރިތި ޤުރުއާން ކިޔެވުމުގެ ޤައުމީ މުބާރާތަކީ ސީދާ ދައުލަތުގެ ބަޖެޓުން ޚަރަދުކުރާ، އަދި އެންމެ އަގުބޮޑު އިނާމުތައް ދޭ މުބާރާތުގެ ގޮތުގައި ސަރުކާރުން ވަނީ ހަމަޖައްސާފައެވެ.
މީގެ އިތުރުން، ޙާފިޡުންނަށް ދޭ އެލަވަންސް ދެގުނައަށް ބޮޑުކުރުމާއި، ޙާފިޡުންގެ ދަސްވެނިވުމަށް ޚާއްސަ ރަސްމިއްޔާތެއް ބާއްވަން ފެށުމަކީ ވެސް މި ދާއިރާ ކުރިއެރުވުމަށް ސަރުކާރުން ކުރަމުންދާ މުހިންމު މަސައްކަތްތަކެވެ. އަދި ކީރިތި ޤުރުއާނަށް ޚާއްސަކޮށްގެން ވަޤްފު މަޝްރޫޢެއް ފެށުމަށް ވެސް ސަރުކާރުން ވަނީ ނިންމާފައެވެ.




ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.