Friday, 20 November 2026
Advertisement
HDC — Share-Below (leaderboard)
ޚަބަރު

ދީނަށް ހޭލުންތެރިކުރުމުގެ އިނާމު ރަޝީދުއަށް، ދިވެހި ބަހަށް ޚިދުމަތް ކުރުމުގެ އިނާމު އައްބާހަށް

ދީނަށް ހޭލުންތެރިކުރުމުގެ އިނާމު ރަޝީދުއަށް، ދިވެހި ބަހަށް ޚިދުމަތް ކުރުމުގެ އިނާމު އައްބާހަށް

އިސްލާމްދީނަށް ހޭލުންތެރިކަން އިތުރުކުރުމާއި، ދީނީ ރޮނގުން ހިދުމަތް ކުރުމުގެ އެންމެ މަތިވެރި ޝަރަފު ނިޝާން އިއްޒުއްދީނުގެ އިއްޒަތުގެ ވެރިޔާ ޑޮކްޓަރ މުހައްމަދު ރަޝީދު އިބްރާހީމަށް އަދި ދިވެހިބަހާއި އަދަބިއްޔާތަށް ހިދުމަތްކުރުމުގެ އެންމެ މަތިވެރި ޝަރަފު ޢައްބާސް އިބްރާހީމަށް އަރުވައިފިއެވެ.

އެ ދެބޭފުޅުންނަށް އެ އިއްޒަތްއެރުވީ ޒުވާނުންގެ މަރުކަޒުގައި ރޭ ބޭއްވި، ޖުމްހޫރީ ދުވަހުގެ ރަސްމީ ޖަލްސާގައެވެ.

ދިވެހިބަހާއި އަދަބިއްޔާތުގެ ދާއިރާއިން ފާހަގަކޮށްލެވޭ ގިނަގުނަ މަސައްކަތްޕުޅުތަކެއް ކުރެއްވި އައްބާސް އިބްރާހީމަކީ، ދިވެހިބަހުގެ ގަވާއިދުގެ ތެރެއަށް ވެދެވަޑައިގެން ހުންނެވި ކުޅަދާނަ ލިޔުންތެރިއެކެވެ. ވާހަކަ ދެއްކުމުގެ ފަންނުގައި ލާމަސީލު ނަމޫނާއެއްގެ އިތުރުން އެމަނިކުފާނަކީ އަދަބީ އެކި ރޮނގުރޮނގުން ގިނަގުނަ ޚިދުމަތްތަކެއް ކޮށްދެއްވި އަދި މިހާރު ވެސް ޚިދުމަތުގައި ދެމިހުންނެވި ބަހުގެ އުސްތާޛެކެވެ.

ޑޮކްޓަރ މުހައްމަދު ރަޝީދު އިބްރާހީމްގެ އިލްމީ ހިދުމަތްތަކުގެ ތެރެއިން އެންމެ ހާއްސަގޮތެއްގައި ފާހަގަކޮށްލެވޭ ހިދުމަތަކީ، ރައީސް މައުމޫން އަބްދުލް ގައްޔޫމުގެ ޒަޢާމަތުގައި ފެށްޓެވި، ކީރިތި ޤުރްއާން ދިވެހިބަހަށް ތަރުޖަމާ ކުރެއްވުމަށްޓަކައި އުފެއްދެވި ކޮމިޓީގައި އެ ކޮމިޓީގެ މެންބަރެއްގެ ހައިސިއްޔަތުން ކުރެއްވި ޚިދުމަތެވެ.

އެ ކޮމިޓީގެ ރައީސްކަންވެސް 18 އަހަރަށްވުރެ ދިގު މުއްދަތެއްގައި އެ މަނިކުފާނު ކުރެއްވިއެވެ. ރަމަޟާން މަހުގެ ރޭތައް އިޙްޔާކޮށް ދިރުވުމުގެ ޕުރޮގުރާމުގައިވެސް ތަފާތު އެތައް މައުޟޫޢަކަށް ޑޮކްޓަރ މުޙައްމަދު ރަޝީދު އިބްރާހީމް ވަނީ ޢިލްމީ ތަޤްރީރުތައް ކުރައްވައިފައެވެ. އަދި ދިވެހިރާއްޖޭގެ އަޑާއި ޓީ.ވީ. މޯލްޑިވްސްއިން ފޮނުވަމުން ގެންދެވި ދީނީ އެކިއެކި ޕުރޮގުރާމުތަކުގައްޔާއި، ޢިލްމީ ބަޙުޘްތަކުގައި އެ މަނިކުފާނު ޢަމަލީގޮތުން ވަނީ ބައިވެރިވެވަޑައިގެންފައެވެ. ޑޮކްޓަރ މުޙައްމަދު ރަޝީދު އިބްރާހީމަކީ، ހުކުރު ޚުޠުބާ ވެސް ގިނަ އަދަދަކަށް ލިޔުއްވި ބޭފުޅެކެވެ.


ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.