އެމްޑީޕީ އިންތިޚާބުގެ ވޯޓް ފޮއްޓެއްގެ އޮފިޝަލަކު ކޮވިޑަށް ފައްސި ވެއްޖެ
މިއަދު ކުރިއަށް ގެންދިޔަ އެމްޑީޕީގެ އެތެރޭގެ އިންތިހާބުގެ ވޯޓްފޮއްޓެއްގެ އޮފިޝަލަކު ކޮވިޑް-19އަށް ފައްސި ވެއްޖެއެވެ.
އޮންލައިން ނޫހެއް ކަމަށްވާ "ހުވަދޫ"އިން ރިޕޯޓްކޮށްފައިވާ ގޮތުގައި ކޮވިޑަށް ފައްސިވެފައި ވަނީ ތިނަދޫ އުތުރު ދާއިރާގެ ވޯޓްފޮށީގައި ހުރި އަންހެން އޮފިޝަލެކެވެ. މިއޮފިޝަލް ކޮވިޑް-19އަށް ފައްސިވިކަން އެނގުނީ ވޯޓްލާ ނިމުނު ފަހުންނެވެ.
ފައްސިވެފައިވާ މީހާއަކީ ގދ.އަތޮޅު ތައުލީމީ މަރުކަރުގައި ހުރި ވޯޓު ފޮއްޓެއް ކައިރީގައި ހުރި އޮފިޝަލެއް ކަމަށް ވެސް އެ ނޫހުން އެނގިފައިވާ ކަމަށާއި ކޮވިޑަށް ފައްސިވި އޮފިޝަލާ އެއްތާވި މީހުން ދެނެގަތުމުގެ މަސައްކަތް ޑރ.އަބްދުއްސަމަދު ހޮސްޕިޓަލުން މިހާރު ކުރަމުން ގެންދާކަމަށް މައުލޫމާތު ލިބެއެވެ.
Advertisement
މިކަމާ ގުޅިގެން އިތުރު މައުލޫމާތު ހޯދަން "ދެން"އިން ކުރި މަސައްކަތް ކާމިޔާބުވާ ގޮތް ވަނީ ނުވެފައެވެ.
ކޮމެންޓް