ތިނަދޫ ޓީޗަރެއް ކޮވިޑަށް ފައްސިވެއްޖެ
ގދ.ތިނަދޫ ސްކޫލެއްގައި ކިޔަވައިދޭ ޓީޗަރެއް ކޮވިޑް-19އަށް ފައްސިވެއްޖެއެވެ.
މަޢުލޫމާތު ލިބިފައިވާ ގޮތުގައި ފައްސިވެފައި ވަނީ އެ ރަށުގެ ޕްރައިމަރީ ސްކޫލެއްގެ ޓީޗަރެކެވެ. މި ޓީޗަރު ފައްސިވެފައި ވަނީ އެ ސްކޫލުން ކުއްޖަކު ކޮވިޑް-19އަށް ފައްސިވުމާ ގުޅިގެން ބައެއް ގްރޭޑްތަކުގެ ދަރިވަރުން ކަރަންޓީން ކޮށްފައިވާ ދަނޑިވަޅެއްގައެވެ.
މީގެ އިތުރުން އެ ރަށުގެ ސެކަންޑަރީ ސްކޫލް، ގދ. އަތޮޅު ތަޢުލީމީ މަރުކަޒުގައި ކިޔަވަމުންދާ ދަރިވަރެއް ވެސް ކޮވިޑް-19އަށް ފައްސިވެ، އެ ދަރިވަރުގެ ކުލާހުގައި ކިޔަވާ ދަރިވަރުން ވެސް ވަނީ ކަރަންޓީންކޮށްފައެވެ.
ތިނަދޫގެ އެންމެ ފަހުގެ ތަފާސް ހިސާބުތަކަށް ބަލާއިރު އިއްޔެ އެ ރަށުން އެކަކު ވަނީ ކޮވިޑް-19އަށް ފައްސިވެފައެވެ. އެއާއެކު އެ ރަށުން ބަލި ޖެހުނު މީހުންގެ ޖުމްލަ އަދަދު ވަނީ 994އަށް އަރައިފައެވެ. މި ބަލީގައި 4 މީހުން އެ ރަށުން ނިޔާވެފައި ވެއެވެ.
