ކައުންސިލުން ބުނީ ގަމުގެ ހާލު ގޯސް ނޫން ކަމަށް، އެޗްޕީއޭއިން ރަށް ބަންދުކޮށްފި
ލ. ގަމުގައި ކޮވިޑް-19ގެ ހާލަތު ގޯސް ނޫން ކަމަށް އެ ރަށު ކައުންސިލުން ބުނެފައި ވަނިކޮށް، ހެލްތު ޕްރޮޓެކްޝަން އޭޖެންސީ (އެޗްޕީއޭ)އިން އެ ރަށް މޮނީޓަރިންގަށް ލައިފިއެވެ.
ގަމު ކައުންސިލު ރައީސް އަހުމަދު ޒަކީ "ދެން"އަށް މައުލޫމާތު ދެއްވަމުން ވިދާޅުވީ އެ ރަށް މޮނީޓަރިންއަށް ލައިފައި ވަނީ އެޗްޕީއޭއިން ކަމަށާއި އެކަން ގަމު ރީޖަނަލް ހޮސްޕިޓަލުން ވެސް ކަށަވަރު ކޮށްދެއްވައިފައިވާ ކަމަށެވެ.
"ރަށުގެ ކޮވިޑް ހާލަތު ގޯސްތޯ، މޮނީޓަރިންގަށް ލާންވާ ވަރު ވޭތޯ ސުވާލު ކުރުމުން ހޮސްޕިޓަލުން އަޅުގަނޑަށް މައުލޫމާތު ދިން އަދި މޮނީޓަރިންއަށް ލާ ހިސާބަށް ނުދާ ކަމަށް." ކައުންސިލު ރައީސް ޒަކީ ވިދާޅުވިއެވެ.
ޒަކީ އިތުރަށް ވިދާޅުވީ މިކަމާ ގުޅިގެން ގަމު ރީޖަނަލް ހޮސްޕިޓަލުގެ މެނޭޖަރު އަލީ ނަޝީދަށް ގުޅުއްވި ކަމަށާއި ރަށް މޮނީޓަރިންއަށް ލާ ހިސާބަކަށް އަދި ނުދާ ކަމަށް އަލީ ނަޝީދު ވިދާޅުވި ކަމަށެވެ.
ގަމު ހޮސްޕިޓަލު މެނޭޖަރ "ދެން"އަށް މައުލޫމާތު ދެއްވަމުން ވިދާޅުވީ، ކޮވިޑަށް ފައްސިވެފައި ވަނީ އެ ރަށު ފްލޫ ކްލިނިކަށް ދެއްކި ބައެއް ކަމަށެވެ.
