ސަރުކާރު ޕްރީ ސްކޫލެއް ހުޅުމާލޭގައި ހުޅުވަނީ
ސަރުކާރު ޕްރީ ސްކޫލެއް ހުޅުމާލޭގައި މިމަހު 24ގައި ހުޅުވަން ނިންމައިފިއެވެ.
ސަރުކާރު ޕްރީ ސްކޫލް "މުޙައްމަދު ޤާސިމް ޕްރީ ސްކޫލް"އަށް ދަރިވަރުން ވެއްދުމުގެ ފުރުސަތު އެޑިއުކޭޝަން މިނިސްޓްރީން މިހާރު ވަނީ ހުޅުވައިލައިފައެވެ.
ރަޖިސްޓްރީކުރުމުގެ ފުރުސަތު ފުރަތަމަ ހުޅުވައިލައިފައި ވަނީ މިމަހުގެ 14ވަނަ ދުވަހުގެ ނިޔަލަށެވެ. އެހެން ނަމަވެސް މިހާރު ވަކި މުއްދަތެއް ނެތްގޮތަށް މި ފުރުޞަތު އެޑިއުކޭޝަން މިނިސްޓްރީން ވަނީ ހުޅުވައިލައިފައެވެ.
މި ސްކުލަކީ 750 ކުދިންގެ ޖާގައިގެ ޕްރީ ސްކޫލެކެވެ. އެ ސްކޫލްގައި 20 ޓީޗަރުން ކިޔަވައިދޭން ހަމަޖެހިފައިވެއެވެ. މުޙައްމަދު ޤާސިމް ޕްރީ ސްކޫލްގައި 10 ކްލާސްރޫމް ހިމެނެއެވެ.
މި ސްކޫލް ހުންނަނީ ހުޅުމާލެ އޯޓިޒަމް ސެންޓަރު ކައިރީގައެވެ. މި ޕްރީ ސްކޫލް ހިންގުމަށް ހައުސިން ޑިވެލޮޕްމަންޓް ކޯޕަރޭޝަނުން އެޑިއުކޭޝަން މިނިސްޓްރީއާ ހަވާލުކުރީ 2019ވަނަ އަހަރުގެ ޖެނުއަރީ މަހުގައެވެ.
Ads by STO
