ޝާހުއާއި ގޯރީ ނުވެސް ނިދާ، އެންމެ ކަންބޮޑު ވަނީ ދަރިފުޅުގެ ސިއްހަތާމެދު
ބޮލީވުޑް ތަރި ޝާހުރުކް ހާންއާއި އޭނާގެ އަންހެނުން ގޯރީ ހާންގެ ދޮށީ ދަރިފުޅު އާރްޔާން ހާން ޖަލު ބަންދުގައި ހުރުމުން އެ ދެމީހުންނަށް ހަމަނިދި ނުލިބޭކަމަށާއި އާރްޔާންގެ ސިއްހަތާ މެދު އިންތިހާއަށް ކަންބޮޑުވުން ފާޅުކުރަމުން ދާކަމަށް އިންޑިއާގެ ނޫސްތަކުން ބުނެފިއެވެ.
އިންޑިއާގެ ނާކޮޓިކްސް ކޮންޓްރޯލް ބިއުރޯ (އެންސީބީ)އިން އާރްޔާން ހައްޔަރު ކުރީ މިމަހުގެ 3 ވަނަ ދުވަހުއެވެ. އޭގެ ފަހުން ދެފަހަރެއްގެ މަތިން އާރްޔާންގެ ބަންދުގެ މުއްދަތު ވަނީ އިތުރުކޮށްފައެވެ. އާރްޔާންގެ ބަންދުގެ މުއްދަތު އިތުރުކުރަން ނިންމި ނިންމުން ހައިކޯޓުގައި އިސްތިއުނާފު ކުރިނަމަވެސް އެ މައްސަލައިގެ އަޑުއެހުން ވަނީ އަންނަ ބުދަ ދުވަހަށް ލަސްކޮށްފައެވެ.
އާރްޔާން ހައްޔަރުކުރުމަށް ފަހު ޝާހުއަށް ހަމަނިދި ނުލިބި އެއްވެސް އެއްޗެއް ނުވެސް ކެވޭކަމަށް ރިޕޯޓުތައް ބުނެއެވެ. އަނެއްކޮޅުން ގޯރީގެ ހާލުވެސް ވަރަށް ދެރަ ކަމަށާއި ގޯރީގެ ބޭބެއާއި ފަހަރި ވެސް ވަގުތީގޮތުން ޝާހުގެ ގެއަށް ދިރިއުޅުން ބަދަލުކޮށްފައިވާކަމަށް ވެއެވެ.
ޝާހު އެންމެ ބޮޑަށް ކަންބޮޑު ވަނީ އާރްޔާންގެ ސިއްހަތާ މެދުއެވެ. އެގޮތުން އެންސީބީއަށާއި ޖަލަށް ގުޅައި އާރްޔާންގެ ހާލު އަވަސް އަވަހަށް އޮޅުންފިލުވާކަމަށް ރިޕޯޓުތައް ބުނެއެވެ. އިންޑިއާގައި ހުރި އެންމެ އަގުބޮޑު އަދި އެންމެ މަޝްހޫރު ކްރިމިނަލް ލޯޔަރު ސަތީޝް މަނޭޝިންދޭ އާރްޔާންގެ ދިފާއީ ވަކީލުގެ ގޮތުގައި މަސައްކަތް ކުރާއިރު ޝާހު މިހާރު ވަނީ އިތުރު ފަސް މެމްބަރުން ހިމެނޭ ލޯޔަރުންގެ ޓީމެއް އާރްޔާންގެ މައްސަލައާ ގުޅިގެން މަސައްކަތް ކުރުމަށް ކަނޑައަޅައިފައެވެ.
އާރްޔާންގެ މައްސަލައާ ގުޅިގެން ޝާހުގެ ގިނަ އަދަދެއްގެ ސަޕޯޓަރުން ދަނީ މުމްބާއީގައި މުޒާހަރާ ވެސް ކުރަމުންނެވެ. ގާނޫނީ ބައެއް ބޭފުޅުން ވިދާޅުވާ ގޮތުގައި މައްސަލަ ތަހުގީގު ކުރި ނަމަވެސް އާރްޔާންއަށް ވާނުވާ ޖަހައިފައި ނުބެހެއްޓޭނެއެވެ. އަދި ސާބިތު ހެއްކެއް ނެތި ޝަރީއަތުން ހުކުމެއް ނުކުރަނީސް އާރްޔާން ޖަލުގައި ނުބެހެއްޓޭނެކަމަށް ގާނޫނީ ބޭފުޅުން ދަނީ ވިދާޅުވަމުންނެވެ.
އިސްތިއުނާފު ކުރިނަމަވެސް އެ މައްސަލައިގެ އަޑުއެހުން ވަނީ އަންނަ ބުދަދުވަހަށް ލަސްކޮށްފައެވެ.
އިސްތިއުނާފު ނުކުރޭ.އިސްތިއުނާފަށް ހުށަހެޅީ.
ކުށެއްކުރީމަ ޖަލުގަވެސް ބަހައްޓަން ޖެހޭނެ. ބޭރުގަ ބަހައްޓައިގެން ސަރީއަތްކުރަން މިރާއްޖެއިން ފެށީމަ ވާ ހައެތި ފެނޭއެބަ
އަހަރެމެންނަށް ކީއް!! އެމީހުން ނިދިއްޔާ ނުނިދިއްޔާ!!
އެއެއްޗެއް ހޯދި ގޮތަކައް އެއެއްޗެއް ނިމިގެންދާނީވެސް
ދަންނަނީވެސް ވަރަށް ބޮޑަށް.. ތިގޮތަށް މީހުންނަށް ބަދުބަސް ބުނާކަށް ނުވާނެ!
އާމާލު ކްލޫނީ ގެންދަންވީނުން ވަކީލަކަށް…..
މިމީހުންގެ ދަރިއެއް މަރުވެއްޖިއްޔާ ނުވެސް ނިދާ އެންމެ ބޮޑަށް ވިސްނާނީ ކޮންކަމަކާބާ؟
އަމީތާބާއި ޖާޔާގެ ދަރިއްގެ ވާހަކައެއް ތިގޮތަކަށް އަޑެއްނުއިވޭ. ޝާހުރުކް ބޮލީވުޑްގައި ކުރިއެރީމާ ގޯރީއަށް ދަރިންނަށް ވަގުތުދެވޭވަރު ތިޔަ ފެންނަނީ. އަބަދު އުޅެންޖެހެނީ ޕާޓީތަކުގައި.