މާލޭގެ އިމާރާތެއްގައި ރޯވެ އަނދަނީ

މާލޭގައި ހުރި އިމާރާތެއްގައި ރޯވެ އަނދަމުން އެބަދެއެވެ.

Ads by STELCO

އެމްއެންޑީއެފްގެ މީޑިއާ އޮފިޝަލަކު ވިދާޅުވީ މާލޭގައި އަލިފާނުގެ ހާދިސާއެއް ހިނގައިގެން ފަޔަރ އެންޑް ރެސްކިޔު ޓީމުން ހަރަކާތްތެރި ވަމުންދާ ކަމަށެވެ.

އަލިފާން ރޯވެފައި ވަނީ އަމީނީމަގު ސީގަލް ފިހާރަ ހުންނަ ސަރަޙައްދުގައި ކަމަށް މައުލޫމާތު ލިބެއެވެ.

އެމްއެންްޑީއެފްއިން ވިދާޅުވީ، އަލިފާން ރޯވެފައި ވަނީ ގ. ތުނޑި ހަތަރުވަނަ ފަންގިފިލާގައި ކަމަށެވެ.

އަދާހަމަ:

އެ އަލިފާންގަނޑު މިއަދު މެންދުރު 12:16 ހާއިރު ނިއްވައިލައިފައިވާ ކަމަށް މައުލޫމާތު ލިބެއެވެ.

މި ހާދިސާގައި އެއްވެސް މީހަކަށް ގެއްލުމެއް ލިބިފައެއް ނުވެއެވެ. އަދި މި ހާދިސާ ހިނގަން މެދުވެރިވި ސަބަބާއި ލިބުނު ގެއްލުން އަދި އެނގިފައެއް ނުވެއެވެ.