ޑޮނާޑް ގާމެންޓް ހުންނަ އިމާރާތުގައި ރޯވެ އަނދަނީ

ޑޮނާޑް ގާމެންޓް ހުންނަ އިމާރާތުގައި ރޯވެ އަނދަމުން އެބަދެއެވެ.

އެމްއެންޑީއެފްގެ މީޑިއާ އޮފިޝަލަކު ވިދާޅުވީ މި ހާދިސާގެ މައުލޫމާތު ފަޔަރ އެންޑް ރެސްކިޔު ސާވިސަސް އަށް ރިޕޯޓު ކޮށްފައިވަނީ މިއަދު ހަވީރު 4:49 ހާއިރު ކަމަށެވެ.

ރޯވެފައި ވަނީ ޑޮނާޑް ގާމެންޓް ހުންނަ އިމާރާތުގެ ތިންވަނަ ފަންގިފިލާގައި ކަމަށް ވެސް އޮފިޝަލު މައުލޫމާތު ދެއްވިއެވެ.

މި ހާދިސާގައި އެއްވެސް މީހަކަށް އަނިޔާވި ކަމަށް އަދި މައުލޫމާތު ލިބިފައެއް ނުވެއެވެ.

https://twitter.com/MNDF_Official/status/1450798910436380674?s=20

އަލިފާންގަނޑު ނިއްވައިލާން މަސައްކަތް ކުރަމުން ދާއިރު، އެ އިމާރާތުގައި ދިރިއުޅޭ އެންމެން މިހާރު ވަނީ ނެރެ، އިމާރާތް ހުސްކޮށްފައި ކަމަށް ވެސް މައުލޫމާތު ލިބެއެވެ.

އަދާހަމަ:

ރޯވި އަލިފާންގަނޑު ވަނީ ހަވީރު 5:09 ހާއިރު ނިއްވައިލެވިފައެވެ.