ފްލެމިންގޯ ވިއްކަން ޖެހި މީހާ ހޯދައި، ދޫނި ވެސް އަތުލައިފި
މިދުވަސްކޮޅު ރާއްޖެއަށް ހިޖުރަ ކުރަމުން އަންނަ ދޫނިތަކުގެ ތެރެއިން ފްލެމިންގޯއެއް (ގުޑުގުޑާ ދޫންޏެއް) ވިއްކައިލާން ޖެހި މީހާ ހޯދައި، އޭނާ އަތުން އެ ދޫނި ވެސް އަތުލައިފައިވާ ކަމަށް އެންވަޔަރްމެންޓް ޕްރޮޓެކްޝަން އެޖެންސީ (އީޕީއޭ)އިން މިއަދު ބުނެފިއެވެ.
ހއ. ފިއްލަދޫން އެންމެ ފުރަތަމަ ފެނުނު ފްލެމިންގޯތައް އެ އަތޮޅު ބާރަށަށް ހިޖުރަ ކުރުމުން، އެރަށުން ބައެއް މީހުން ވަނީ އޭގެން ދޫނިތަކެއް ހިފައިފައެވެ. އަދި އޭގެން ދޫންޏެއް 30،000 ރުފިޔާއަށް ވިއްކައިލާން ވައިބާގައި ވެސް ޖަހައިފައިވެއެވެ.
އެ މައްސަލަ ހޫނުވެ، އީޕީއޭގެ ސަމާލުކަމަށް އައުމުން އެ އެޖެންސީން ނެރުނު ބަޔާނެއްގައި ބުނެފައި ވަނީ ރާއްޖެއަށް އެފަދައިން ހިޖުރަ ކުރާ ދޫނިތައް ހިފައި، ވިއްކުމަކީ ވެސް މަނާ ކަމެއް ކަމަށެވެ. އަދި އީޕީއޭއިން ވަނީ އެކަން ކުރި ބަޔަކާ މެދު ފިޔަވަޅު އަޅާނެ ކަމަށް ވެސް ބުނެފައެވެ.
ފުލުހުންގެ އެހީއާ އެކު މިހާރު ވަނީ ފްލެމިންގޯ ވިއްކަން އުޅުނު އެކަކު ހޯދައިފައެވެ. އެއީ ވެސް އޭގެން ދޫންޏެއް ވިއްކަން ވައިބާގައި ޖެހި މީހެއް ކަމަށް މައުލޫމާތު ލިބިފައިވެއެވެ.
މީހާވެެސް އަތުލައި ދޫނިވެސް ައތުލައިފި
ކަތިވަޅި ގެއްލި ފުރޯ ވެސް ގެއްލުނީ
އަދި މަރިޔަނބު ވެސް ގެއްލޭނެ