މާލޭ ގެއެއްގައި އަލިފާން ރޯވެއްޖެ

މާލޭގެ ގެއެއްގައި އަލިފާން ރޯވެ، އެމްއެންޑީއެފްއިން ހަރަކާތްތެރިވަމުން އެބަދެއެވެ.

Ads by Hajj Corporation

"ދެން"އަށް މައުލޫމާތު ލިބިފައިވާ ގޮތުގައި ރޯވެފައި ވަނީ ހ. ދޮންޖޭމުގެއާގޭ 5ވަނަ ފަންގިފިލާގައެވެ.

އަލިފާންގަނޑު ނިއްވައިލުމަށް އެމްއެންޑީއެފް ފަޔަރ އެންޑް ރެސްކިޔުއިން މިހާރު ހަރަކާތްތެރި ވަމުން އަންނައިރު، އެގެއިން މީހުން ވެސް ދަނީ ހުސްކުރަމުންނެވެ.

އެމްއެންޑީއެފްގެ މީޑިއާ އޮފިޝަލަކު "ދެން"އަށް މައުލޫމާތު ދެއްވަމުން ވިދާޅުވީ އެގޭގައި ރޯވި އަލިފާންގަނޑު މިހާރު ނިއްވައިލައިފައިވާ ކަމަށެވެ. އަދި ރޯވީ މާ ބޮޑު އަލިފާންގަނޑެއް ނޫން ކަމަށް ވެސް ވިދާޅުވިއެވެ.

މި ހާދިސާގެ މައުލޫމާތު އެމްއެންޑީއެފްއަށް ލިބިފައި ވަނީ މެންދުރު 1:27ގައި ކަމަށާއި މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވާ ކަމަށް ވެސް އެމްއެންޑީއެފްއިން ވިދާޅުވިއެވެ.