ފުޑް ކޯޓުގައި ހިންގި މާރާމާރީއާ ގުޅިގެން ބަޔަކު އަދި ހައްޔަރެއް ނުކުރޭ
މާލޭގައި ހުންނަ ފުޑް ކޯޓުގައި ރޭގައި ހިންގި މާރާމާރީއާ ގުޅިގެން ބަޔަކު އަދި ހައްޔަރު ނުކުރާ ކަމަށް ފުލުހުން ވިދާޅުވެއްޖެއެވެ.
އެނގިފައިވާ ގޮތުގައި މި މާރާމާރީ ހިންގައިފައި ވަނީ ފުޑް ކޯޓުގައި ހުންނަ "ސިޓީ ޓޭސްޓް" ނަމަކަށް ކިޔައި ކެފޭގައެވެ.
ފުލުހުންގެ މީޑިއާ އޮފިޝަލަކު ވިދާޅުވީ އެ ކެފޭގައި މަސައްކަތް ކުރާ ދެ ބިދޭސީއެއް ގައިގައި ތަޅައި މާރާމާރީއެއް ހިންގި ރިޕޯޓު ރޭ ދަންވަރު 3:25 ހާއިރު ލިބިފައިވާ ކަމަށެވެ.
މި މައްސަލައިގައި އަދި މިހާތަނަށް އެއްވެސް މީހަކު ހައްޔަރު ކޮށްފައި ނުވި ނަމަވެސް، މި މައްސަލަ ދަނީ އިތުރަށް ތަހުގީގު ކުރަމުން ކަމަށް ފުލުހުން ވިދާޅުވިއެވެ.
މި މާރާމާރީގައި އަނިޔާވި ދެ ބިދޭސީންނަށް އައިޖީއެމްއެޗްގައި ފަރުވާ ދިނުމަށްފަހު މިހާރު ވަނީ ދޫކޮށްލައިފައެވެ.
އެނގިފައިވާ ގޮތުގައި މި މާރާމާރީ ހިންގައިފައި ވަނީ، އެ ކެފޭއަށް ދިޔަ ބަޔަކު ގާތު ބިލަށް ފައިސާ ދައްކަން ބުނުމުން އެކަމަށް ދެކޮޅު ހަދައިފައެވެ.
