އައިޖީއެމްއެޗް ކައިރީ ފެންބޮޑުވާ މައްސަލައަށް ހައްލެއް ހޯދައިދެނީ
ބޮޑުތަކުރުފާނު މަގުން އައިޖީއެމްއެޗްގެ ހުޅަނގު ފަރާތުގެ ފާރާ ކައިރީ ފެންބޮޑުވާ މައްސަލައަށް ހައްލެއް ގެނެސްދިނުމަށް މާލެ ސިޓީ ކައުންސިލުން ނިންމައިފިއެވެ.
މާލޭ ސިޓީ ކައުންސިލުން މިކަމާ ގުޅޭގޮތުން ނެރުނު ބަޔާނެއްގައި ބުނެފައި ވަނީ އެ ސަރަހައްދުގައި ފެންގަނޑެއް އޮންނާތީ އާންމުންގެ ވަރަށް ގިނަ ޝަކުވާ އެ ކައުންސިލަށް ލިބިފައިވާ ކަމަށެވެ. އެހެންކަމުން އެ ސަރަހައްދުގައި ފެންގަނޑެއް ހެދޭ ސަބަބު ކައުންސިލުން މިހާރު ބަލައިފައިވާ ކަމަށް ބަޔާނުގައި ބުނެފައިވެއެވެ.
ސިޓީ ކައުންސިލުން ބުނީ އެ ސަރަހައްދުގައި ފެންގަނޑެއް ހެދެނީ އައިޖީއެމްއެޗްގެ ކޫލިން ޓަވަރުތަކަކުން ބޭރުކުރާ ފެންތަކެއްގެ ސަބަބުން ކަމަށެވެ.
އައިޖީއެމްއެޗްގެ ކޫލިން ޓަވަރުތަކުން ފެން ބޭރު ކުރަނީ ސިޓީ ކައުންސިލަށް އެނގިގެން ނޫން ކަމަށާއި އަދި އެ ފެން މަގުމައްޗަށް ދޫކުރަކީ ކައުންސިލުން އެއްވެސް ހުއްދައެއް ވެސް ދީގެން ނޫން ކަމަށް ބަޔާނުގައި ވެއެވެ. އަދި މާލޭގެ މަގުމައްޗަށް ފެން ދޫކުރުމަކީ އެ ކައުންސިލުން ހުއްދަ ދޭ ކަމެއް ނޫން ކަމުގައި ވެސް ބުނެފައިވެއެވެ.
އައިޖީއެމްއެޗް ކައިރީގައި ހެދިފައިވާ ފެންގަނޑު ހިންދައިދިނުމަށް އައިޖީއެމްއެޗްއިން އެމްޑަބްލިޔުއެސްސީގައި އެދުނު ނަމަވެސް އެކަމަށް ހައްލެއް ލިބިފައި ނުވުމުން އެ ހޮސްޕިޓަލުން މިހާރު ވަނީ އެކަމަށް ހައްލެއް ހޯދައިދިނުމަށް ސިޓީ ކައުންސިލުގައި އެދިފައެވެ.
މަގުސާފު ކުރަން މަގުމައްޗަށް ފެން އަޅާ ދޮވުނަސް އޯކޭ ! މަގުމައްޗަށް ފެން ބޮޑުވާގޮތަށް ފެން އެޅުން ކަމަކުނުދާނެ ! ޢޭރުން މަގު ހިގާ މީހުނަށް އުފަގޫވާނެ ! މުޅިން ވެސް ސިޔާސީ މަންފާ ސިޔާސީ ވަފާތެރި ކެހިވެރިން ހައްތާވެސް !
މާލޭގެ ވަރަށް ގިނައިން އޭސީ ގެ ފެން ހޮޅިއާއި ، ދޮންނަމެސިން ފެން ހޮޅި އަދި ބެލްކަނީގެ ފެން ، ވާރޭނުވެހޭ ދުވަސްދުވަހު މަގުމަތީގައި އުޅޭ މީހުންގަޔަށް ފައިބާ މައްސަލަ ހައްލުކޮއްބަލަ.