ދަރިވަރުންނާއެކު ފާޚާނާއަށް ދާ މީހެއް ކަށަވަރުކުރަން އަންގައިފި
ކުޑަކުދިން ފާހާނާއަށް ދާއިރު އިތުރު ފަރާތަކާ ހަވާލު ކުރާނަމަ އެއީ ކޮން ފަރާތެއްކަން ކަށަވަރު ކުރުމަށް އެޑިއުކޭޝަން މިނިސްޓްރީން އަންގަވައިފިއެވެ.
އެޑިއުކޭޝަން މިނިސްޓްރީން ހުރިހާ ސްކޫލަކަށް ފޮނުވި ސާރކިއުލާގައި ވިދާޅުވެފައި ވަނީ ސުކޫލުތަކުގެ ތެރޭގައި ދަރިވަރުންގެ ސަލާމަތާއި ރައްކާތެރިކަން ޔަޤީންކުރެވިފައިވުމަކީ ބެލެނިވެރިންނާއި މުޖުތަމަޢުގެ އިތުބާރު ސުކޫލުތަކަށް ލިބިދޭނޭ ކަމެއް ކަމަށެވެ. އަދި ސުކޫލުގައި ދަރިވަރުން ހޭދަ ކުރާ ހުރިހާ ވަގުތަކީ އެކުދިން ރަނގަޅަށް ބެލެހެއްޓި އަދި އެކުދިންނަށް ޒިންމާވާނޭ ފަރާތެއް އަބަދުވެސް ކަނޑައެޅިފައި ހުންނަންވާނޭ ވަގުތުތަކެއް ކަމަށާއި ސުކޫލުތަކުގައި ކިޔަވައިދެމުންގެންދާ ބޭބީ ނާސަރީއާއި ނާސަރީ އަދި ފައުންޑޭޝަން ސްޓޭޖްގެ (އެލްކޭޖީ އަދި ޔޫކޭޖީ) ދަރިވަރުން ސުކޫލުގައި ހޭދަކުރާ ހުރިހާ ވަގުތެއްގައި ދަރިވަރުންނަށް ޒިންމާވާނެ ޓީޗަރަކު އެ ކުދިންނާ ހަވާލުވެ ހުރިކަން ސްކޫލްތަކުގެ ޕްރިންސިޕަލުން ކަށަވަރު ކުރަން ޖެހޭނެ ކަމަށް ވިދާޅުވެފައި ވެއެވެ.
ޚާއްޞަކޮށް ބޭބީ ނާސަރީއާއި ނާސަރީ އަދި ފައުންޑޭޝަން ސްޓޭޖްގެ ދަރިވަރުން ފާޚާނާއަށް ފޮނުވާ ވަގުތާއި އެހެނިހެން ޙަރަކާތްތަކުގައި ދަރިވަރު ކިލާސް ޓީޗަރު ނޫން ފަރާތަކާ ހަވާލުކުރެވޭ ނަމަ އެއީ ކޮން ފަރާތެއްކަން ޓީޗަރު ރަނގަޅަށް ކަށަވަރު ކުރަން ޖެހޭނެ ކަމަށް ވެސް އެ ސާރކިއުލާގައި ވިދާޅުވެފައިވެއެވެ.
މިނިސްޓްރީން މިގޮތަށް އަންގަވައިފައި ވަނީ އުމުރުން ހަތަރު އަހަރުގެ ކުއްޖަކަށް މާލޭގެ ސްކޫލެއްގައި ޖިންސީ ގޯނާ ކުރި މައްސަލައާ ގުޅިގެންނެވެ. އާއިލާއާ ހަވާލާދީ ނޫސްތަކުން ރިޕޯޓްކޮށްފައިވާ ގޮތުގައި ހަތަރު އަހަރުގެ ކުއްޖާއަށް ޖިންސީ ގޯނާކޮށްފައި ވަނީ މިމަހުގެ 13 ވަނަ ދުވަހުއެވެ. އަދި ގޯނާ ކޮށްފައި ވަނ ކުއްޖާ ގޮވައިގެން ފާޚާނާއަށް ދިޔަ މަސައްކަތު އަންހެނެކެވެ. މިމައްސަލައިގައި ފިޔަވަޅު އެޅުމުގެ ބަދަލުގައި، މައްސަލަ ހިންދައިލަން ސްކޫލުން މަސައްކަތްކުރާ ކަމަށް އާއިލާއިން ތުހުމަތު ކުރެއެވެ.
މިމައްސަލަ ސްކޫލާއި އެޑިއުކޭޝަން މިނިސްޓްރީގެ އިތުރުން ފުލުހުންދަނީ ތަޙްޤީޤް ކުރަމުންނެވެ.
މމިހާރު މާލަސްވެޖެ ތިކަންކުރަން