އިސްލާމްދީނަށް ފުރައްސާރަކޮށް މިސްކިތުގެ ހުރުމަތް ކަނޑައިލި ޒިޔާދުގެ ބަންދަށް 10ދުވަސް
އިސްލާމްދީނަށް ފުރައްސާރަކޮށް މިސްކިތުގެ ހުރުމަތް ކަނޑައިލި ޙަސަން ޒިޔާދުގެ ބަންދަށް 10ދުވަސް ޖަހައިފިއެވެ.
ޒިޔާދު މީގެ ކުރިން ވަނީ ރައީސް އޮފީސް ކުރިމައްޗަށާއި ހުކުރު މިސްކިތާއި އިސްލާމީ މަރުކަޒު ތެރެއަށް ކުޑަކަމުގޮސްފައެވެ. އެ މައްސަލައިގައި އޭނާ ހައްޔަރު ވެސް ކުރިއެވެ. ނަމަވެސް ދައުވާކުރަން ފޮނުވައިފައި އޭނާ ވަނީ ބަންދުން ދޫކޮށްލައިފައެވެ.
ޒިޔާދު ދޫކޮށްލިތާ މާގިނަދުވަސްތަކެއް ނުވެ މި މަހުގެ 7ވީ އާދީއްތަ ދުވަހު ވަނީ މާލޭގެ މަސްޖިދުލްއިބްރާހިމް މިސްކިތަށް ވަދެ، ޚަތިމަކަށް ކުޅުޖަހައިފައެވެ.
މިކަމާ ގުޅިގެން އެވަގުތު އެތަނުގައި ތިބި ބަޔަކު ވަނީ ޒިޔާދު ހިފަހައްޓައި ފުލުހުންނާ ހަވާލު ކޮށްފައެވެ.
ޒިޔާދުގެ ބަންދަށް ކްރިމިނަލް ކޯޓުން 10 ދުވަސް ޖަހައިފައި ވަނީ މުޖުތަމައުގެ ސަލާމަތާއި ރައްކާތެރިކަމަށް ޓަކައެވެ.
ހަސަން ޒިޔާދަކީ ނަފްސާނީ މައްސަލައެއް ހުންނަ މީހެއް ކަމަށް މީގެ ކުރިން ބައެއް ފަރާތްތަކުން ބުނަމުން ދިޔަ ނަމަވެސް، އޭނާގެ އެފަދަ މައްސަލައެއް ނެތް ކަމަށް ޖެންޑާ މިނިސްޓްރީން ވަނީ ވިދާޅުވެފައެވެ.
Ads by STO
