215 ކިލޯ ޑްރަގު ގެންނަން އުޅުނީ ރާއްޖެއަކަށް ނޫން، ރާއްޖެއަކީ ޓްރާންސިޓް ބަނދަރެއް: ފުލުހުން
ފަޅު ރަށެއްގައި ފޮރުވައިފައި ހުއްޓާ މިދިޔަ މަހު ފުލުހުން އަތުލައިގަތް މަސްތުވާތަކެއްޗަކީ ރާއްޖެއަށް ގެނައި އެއްޗެއް ނޫން ކަމަށާއި ރާއްޖެއަކީ "ޓްރާންސިޓް ބަނދަރެއް"ކަމަށް ފުލުހުން ބުނެފިއެވެ.
މިދިޔަ މަހުގެ 15 ގައި މިތަކެތި އަތުލައިގަނެފައި ވަނީ ރ. ރާނބުގަލީގައި ފޮރުވައިފައި ހުއްޓާ ކަމަށް ފުލުހުން ބުނެއެވެ. އެ އޮޕަރޭޝަނުގައި އަތުލައިގެންފައި ވަނީ މަސްތުވާތަކެތީގެ ބާވަތެއް ކަމަަށްވާ ހެރޮއިން ކަމަށް ވެސް ފުލުހުން ބުންޏެވެ.
ދިވެހިރާއްޖެއަށް ކަނޑުމަގުން ގިނަ ޢަދަދެއްގެ މަސްތުވާތަކެތި އެތެރެކުރަން އުޅޭކަމަށް ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން 2021 އޮކްޓޯބަރ 15ވަނަ ދުވަހު ދިވެހި ފުލުހުންގެ ހިދުމަތުގެ ޑްރަގް އެންފޯސްމަންޓް ޑިޕާޓްމަންޓާއި ޑްރަގް އިންޓެލިޖެންސް ޔުނިޓާއި މެރިން ޕޮލިހާއި ރ. އަތޮޅު ފުލުހުންނާއި ފޮރެސިކް ފުލުހުން ގުޅިގެން ހިންގި އޮޕަރޭޝަންގައި ފުލުހުންގެ ބެލުމުގެ ދަށަށް \ދެ މީހުން ގެންގޮސް އެމީހުންގެ ބަންދަށް 15 ދުވަސް ކޯޓުން ވަނީ ޖަހައިފައެވެ.
މި މައްސަލައާ ގުޅިގެން ފުލުހުންގެ ބެލުމުގެ ދަށަށް ގެނެސްފައި ވަނީ ރ. މަޑުއްވަރި، ފިނިފަރު، ޢަލީ ޝާކިރު (42އ) އާއި ރ. މަޑުއްވަރި، ފެހިއަލި، ނިމާލް ޢަބްދުލްޙާރިޘް (33އ)އެވެ.
ފުލުހުން ބުނީ ރާއްޖެއަކީ މަސްތުވާތަކެތި އެއްގައުމުން އަނެއްގައުމަށް އެތެރެ ކުރުމަށް ޓްރާންސިޓް ބަނދަރެއްގެ ގޮތުގައި ބޭނުން ކުރާ ބަނދަރެއް ކަމަށާއި އެފަދަ ތަކެތި ރާއްޖެ އެތެރެކޮށް އުފައްދައިފައިވާ ގައުމު ބަދަލުކޮށް އެހެން ގައުމުތަކަށް ގެންދަނީ ކަމަށެވެ.
ކަހިތޯޗެ