ރައީސް ޞާލިޙް ޕޮލިޓެކަނިކަށް ޒިޔާރަތް ކުރައްވައިފި

ރައީސުލް ޖުމްހޫރިއްޔާ އިބްރާހިމް މުޙައްމަދު ޞާލިޙް ޕޮލިޓެކްނިކަށް ޒިޔާރަތް ކުރައްވައިފިއެވެ.

Ads by MWSC

ރައީސް އޮފީހުން ވިދާޅުވީ ރައީސް ޞާލިޙް ޕޮލިޓެކްނިކަށް ކުރެއްވި ޒިޔާރާތުގައި އެތަނުގެ އިމާރާތް ބައްލަވާލައްވައި އެތަނުގެ ހިންގާ ކޯސްތަކާ ބެހޭ މައުލޫމާތު އޮޅުން ފިލުއްވާފައިވާ ކަމަށެވެ.

ރައީސްގެ މި ޒިޔާރަތުގައި ހަޔަރ އެޑިއުކޭޝަން މިނިސްޓަރ ޑރ. އިބްރާހިމް ހަސަން ވެސް އަރިހުގައި ވަޑައިގެންނެވިއެވެ.

ޕޮލިޓެކްނިކުން އަލަށް 15 ކޯހެއް ފެށިއިރު މި މުއްދަތުގައި ޖުމްލަ 574 ދަރިވަރަކު އެ ކޯސްތަކަށް ވަނީ ތަމްރީނު ކޮށްފައެވެ.

ޕޮލިޓެކްނިކުން ދަނީ ހާއްސަ އެހީއަށް ބޭނުންވާ މީހުންނަށް ހާއްސަކޮށްގެން ދެ ކޯހެއް ހިންގަމުންނެވެ.

މި މުއްދަތުގެ ތެރޭގައި 12 ރަށެއްގައި 32 ޕްރޮގުރާމެއް ހިންގަމުންދާ ކަމަށް ވެސް ޕޮލިޓެކްނިކުން ވަނީ ބުނެފައެވެ.