މަހަށް ގޮސް ހުއްޓާ ސްޓްރޯކެއް ޖެހިގެން މީހަކު ނިޔާވެއްޖެ

މަހަށް ގޮސް ހުއްޓާ ސްޓްރޯކެއް ޖެހިގެން މީހަކު ނިޔާވެއްޖެއެެވެ.

ނިޔާވެފައި ވަނީ ގދ.ތިނަދޫ މީހެކެވެ. އޭނާ މަހަށް ނިކުމެ އުޅެނިކޮށް ސްޓްރޯކެއް ޖެހިގެން ތިނަދޫގައި ހުންނަ ޑރ. އަބްދުއްސަމަދު މެމޯރިއަލް ހޮސްޕިޓަލަށް ގެންގޮސްފައި ވަނީ މިއަދު ހަވީރުގެ ވަގުތެއްގައެވެ.

ޑރ. އަބްދުއްސަމަދު މެމޯރިއަލް ހޮސްޕިޓަލުން “ދެން”އަށް މަޢުލޫމާތު ދިން ގޮތުގައި މަހަށް ގޮސް ހުއްޓާ ހާލު ދެރަވި 44 އަހަރުގެ ފިރިހެނެއް މިއަދު ހަވީރު 5:20ހާއިރު އެމްއެންޑީއެފްގެ އެހީތެރިކަމާ އެކު ހޮސްޕިޓަލަށް ގެނެސްފައިވާ ކަމަށެވެ.

ހޮސްޕިޓަލަށް ގެނައި އިރު ވެސް އޭނާ ނިޔާވެފައިވާ ކަމަށް ހޮސްޕިޓަލުން މަޢުލޫމާތުދެއެވެ.

މާތް ﷲ އެމައްޔިތާގެ ފުރާނައަށް ހެޔޮ ރަޙްމަތް ލައްވަވައި ފާފަ ފުއްސަވައި ސުވަރުގޭގެ މަތިވެރި ނިޢުމަތް މިންވަރު ކޮށްދެއްވާށިއެވެ. އާމީން! އަދި މިހިތްދަތި ވަގުތުގައި ޢާއިލާއަށް ކެތްތެރިކަން ދެއްވާށިއެވެ. އާމީން!

إِنَّا لِلّهِ وَإِنَّـا إِلَيْهِ رَاجِعُون