ސްކޫލެއްގެ ދަރިވަރަކަށް ޖިންސީ ފުރައްސާރަ ކުރި މައްސަލައެއް ބަލަނީ
މާލޭގެ ސްކޫލެއްގައި ތައުލީމު ހާސިލު ކުރަމުންދާ ދަރިވަރަކަށް ޖިންސީ ފުރައްސާރަ ކުރި މައްސަލައެއް ފުލުހުން ބަލަން ފަށައިފިއެވެ.
ފުލުހުންގެ މީޑިއާ އޮފިޝަލަކު "ދެން" އަށް މައުލޫމާތު ދެއްވަމުން ވިދާޅުވީ މާލޭގެ ސްކޫލެއްގައި ދަރިވަރަކަށް ހަނގާކޮށް، ޖިންސީ ފުރައްސާރަކުރި ކަމަށް ތުހުމަތު ކުރެވޭ މައްސަލައެއް މިއަދު ފުލުހުންނަށް ރިޕޯޓު ކޮށްފައިވާ ކަމަށެވެ.
މި މައްސަލަ ފުލުހުން ދަނީ ތަހުގީގު ކުރަމުންނެވެ.
އެނގިފައިވާ ގޮތުގައި ހަނގާކޮށް، ޖިންސީ ފުރައްސާރަ ކޮށްފައިވާ ފިރިހެން ކުއްޖާއަށް މިވަގުތު ދަނީ މާލޭގެ ހޮސްޕިޓަލެއްގައި ފަރުވާ ދެމުންނެވެ. އެކުއްޖާއަށް ނަފްސާނީ ގޮތުން ވަނީ ވަރަށް ބޮޑަށް އަސަރުކޮށްފައި ކަމަށް ވެސް މައުލޫމާތު ލިބެއެވެ.
ކުޑަކުދިންނާ ގުޅޭ މައްސަލައަކަށް ވާތީ އެ ކުއްޖާގެ ވަނަވަރާ ގުޅިން ހުރި އެއްވެސް މައުލޫމާތެއް ހިއްސާ ކުރުމަކީ ޤާނޫނީ ގޮތުން ކުށަކަށް ވާތީ، އެފަދަ މައުލޫމާތުތައް ވަނީ ސިއްރު ކުރެވިފައެވެ.
