އިޔާޒް ކުރާ ޓްވީޓުތަކުން ސަރުކާރުގެ މަޤްބޫލުކަން ގެއްލޭ: އިންތި
ސަރުކާރުގެ ކޯލިޝަންގައި ހިމެނޭ އަދާލަތު ޕާޓީގެ އިލްމުވެރިންގެ މަޖިލީހުގެ ރައީސް، ދީނީ ޢިލްމުވެރިޔާ ޑރ. މުޙައްމަދު އިޔާޒް ކުރައްވާ ޓްވީޓްތަކުން ސަރުކާރުގެ މަޤްބޫލުކަން ގެއްލޭ ކަމަށް ރައްޔިތުންގެ މަޖިލީހުގެ މާފަންނު އުތުރު ދާއިރާގެ އެމްޑީޕީ މެންބަރު އިމްތިޔާޒު ފަހުމީ (އިންތި) ވިދާޅުވެއްޖެއެވެ.
އިންތި މިހެން ވިދާޅުވީ ރޭ ކާނިވަލް ސަރަހައްދުގައި އޮތް "ކޮތަރު ކޮށި" ޖަލްސާގައި ރައީސް ޔާމީން ދެއްކެވި ވާހަކަފުޅަށް ޑރ. އިޔާޒް ދެއްކެވި ރައްދު ދެއްވުމުންނެވެ.
ސްޕްރީމް ކޯޓުން ޓިނު ނެގި ދުވަހު ކަން ހިނގިގޮތް ރޭގެ ޖަލްސާގައި ރައީސް ޔާމީން ވަނީ ވިދާޅުވެފަައެވެ. އަދި އެކަން ކުރީ ފަނޑިޔާރުންގެ ކޮރަޕްޝަންގެ މައްސަލަތަކެއް އުޅޭތީ ކަމަށާއި އެކަން ބައްލަވަން މަގެއް ނެތުމުން ކަމަށް ވިދާޅުވިއެވެ.
މިކަމާ ގުޅިގެން އިޔާޒް ކުރެއްވި ޓްވީޓެއްގައި ވިދާޅުވީ. އަލީ ހަމީދުގެ ވީޑިއޯތަކެއް ލީކްވެފައިވައި ވަނިކޮށް، އޭނާއަށް ޖޭއެސްސީގެ ރައީސްކަން ދިނީ އަލީ ހަމީދުގެ ނަގޫ ފިއްތާފައި ފަނޑިޔާރުންނަށް ނުފޫޒު ފޯރުވުމަށް ކަމަށެވެ.
"ސުޕްރީމްކޯޓުގެ ކުރީގެ ފަނޑިޔާރު ޢަލީ ޙަމީދުގެ ބަދު އަޚްލާޤީ ވީޑިޔޯތަކެއް ލީކުވެފައިވާ ދަނޑިވަޅެއްގައި އޭނާއަށް ޖޭއެސްސީގެ ރައީސްކަން ދިނީ ޕީޕީއެމްގެ މެޖޯރިޓީ އޮންނަ މަޖްލިސްއިން. ބޭނުމަކީ އޭނާގެ ނަގޫފިއްތާފައި ބޭނުން ގޮތަކަށް ފަނޑިޔާރުގެތަކަށް ނުފޫޛު ފޯރުވުން." އިޔާޒް ކުރެއްވި ޓްވީޓްގައި ވިދާޅުވިއެވެ.
އިޔާޒްގެ ޓްވީޓާ ގުޅިގެން އިންތި ވިދާޅުވީ، އިޔާޒް ކުރައްވާ މިފަދަ ޓްވީޓްތަކުން ސަރުކާރުގެ މަޤްބޫލުކަން ގެއްލޭ ކަމަށާއި އިޔާޒަކީ އެމްޑީޕީއަށް ބޭނުން މީހެއް ނޫން ކަމަށެވެ.
"އެ ފޭކް އިންސާނާ މީގެ ކުރިން ދުވަހަކު ވެސް ދުލުކޮޅުން ހާމަކުރި ކަންބޮޑުވުމެއް ނޫން އަލީ ހަމީދުގެ ވާހަކައަކީ. އެމްޑީޕީއަށް ބޭނުންވާ މީހެއް ނޫން އެއީ. ސަރުކާރަށް ޓަކައި ޓްވީޓް ކުރުމުން ސަރުކާރުގެ ޕޮޕިއުލާރިޓީ ވެސް ގެއްލޭ" އިންތި ކުރެއްވި ޓްވީޓެއްގައި ވިދާޅުވިއެވެ.
ޑރއިޔާޒަކަށް ް ރައީސް ޔާމީނުމީހުންއެއްކޮށްގެންއެތައްގިނަދޮގުހަދާއިރު ފާޑުވިދާޅުވާކަށްނުކެރޭ މީންއެނގެނީޒާތީކޮށް މަސައްކަތްކުރާކަން
އެބޭފުޅާ އަމިއްލަ ޚިޔާލެއް ފާޅުކުރިއަސް އެމްޑީޕީ އާއި އިންތިއަށް ކީއްްތަ
އިޔާޒުމެންކަހަލަ ސިޔާސީ ފައިދާނަގަމުން ދުވާ ދީނީ ރޯނުއެދުރުން ވަރަށް ގިނަވެއްޖެ..