ޖިންސުތަކެއް ވަގަށް ނެގި ކަމަށް ތުހުމަތު ކުރެވޭ މައްސަލައެއްގައި ދެ މީހަކު ހޯދަނީ
ފިހާރައަކުން ޖިންސުތަކެއް ވަގަށް ނެގިކަމަށް ތުހުމަތު ކުރެވޭ މައްސަލައެއްގައި ފުލުހުން ދެމީހަކު ހޯދަން ފަށައިފިއެވެ.
ފުލުހުން މިއަދު ވަނީ މި މައްސަލައިގައި ތުހުމަތު ކުރެވޭ ދެމީހުން، އެ ފިހާރައިން ޖިންސުތައް ވަގަށް ނަގައިގެން ގެންދާ ކަމަށް ޝައްކު ކުރެވޭ މަންޒަރު ދައްކުވައިދޭ ސީސީޓީވީ ފުޓޭޖް ވެސް އާންމުކޮށްފައެވެ.
ފުލުހުން ވިދާޅުވީ އެ ދެމީހުންނަކީ 2021 ސެޕްޓެމްބަރު 23ވަނަ ދުވަހުގެ ވަގުތެއްގައި ރޯޝަނީ މަގުގައި ހުންނަ އިކްލިޕްސް ފިހާރައިން ޖިންސުތަކެއް ވަގަށް ނަގައިފައިވާކަމަށް ތުހުމަތުކުރެވޭ މައްސަލައަކާ ގުޅިގެން ގަލޮޅު ޕޮލިހުން ކުރަމުންދާ ތަހުގީގަށް ހޯދަން ބޭނުންވެ، ފުލުހުން މިހައިތަނަށް ކުރި މަސައްކަތުން ކޮންބައެއްކަން ދެނެގަނެވިފައި ނުވާތީ ނުހޯދިފައިވާ ދެމީހުން ކަމަށެވެ.
ވީމާ ވީޑިއޯއިން ފެންނަ މީހުންނާ ބެހޭ އެއްވެސް މައުލޫމާތެއް ލިބިފައިވާ ނަމަ ގަލޮޅު ޕޮލިސްގެ ނަންބަރު 9631696އަށް ގުޅުއްވައި ހިއްސާކުރެއްވުން ފުލުހުން އެދިލައްވައިފައިވެއެވެ.
Ads by STO
