ކުރިން ކުނި ނައްތައިލީ ތިމާވެއްޓަށް ބެލުމެއް ނެތި، މިގޮތަށް ދޫކޮށްލައިގެން ތިބެވޭކަށް ނެތް: ރައީސް
މީގެ ކުރިން ކުނި މެނޭޖުކޮށް، ކުނި ނައްތައިލަމުން އައިސްފައި ވަނީ ތިމާވެއްޓަށް ލިބޭ ގެއްލުމަކަށް އެއްވެސް ވަރަކަށް ބެލުމެއް ނެތި ކަމަށާއި އެހެން ނަމަވެސް މިގޮތަށް ދޫކޮށްލައިގެން ދެން ތިބެވެން ނެތްކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ވިދާޅުވެއްޖެއެވެ.
ތިލަފުށީގައި ކުނިން ހަކަތަ އުފެއްދުމުގެ މަޝްރޫއު، "ގްރޭޓަރ މާލެ ވޭސްޓް ޓު އެނަރޖީ ޕްރޮޖެކްޓް" އިފްތިތާހު ކުރުމުގެ ރަސްމިއްޔާތުގައި ވާހަކަފުޅު ދައްކަވަމުން ރައީސް ޞާލިހު ވިދާޅުވީ ރަށްރަށުން ތިލަފުށްޓަށް ކުނި ގެނައުމުގައި މީގެކުރިން އަމަލުކުރަމުން އައިސްފައި ވަނީ ތިމާވެށި ރައްކާތެރިކުރުމަށް މާބޮޑު ސަމާލުކަމެއް ނުދީ ކަމަށެވެ. އެއްތަނުން އަނެއް ތަނަށް ކުނި އުފުލުމުގައި، ނުރައްކާތެރި ބާވަތްތަކުގެ ވަރަށް ގިނަ ކުނި ކަނޑަށް އެޅޭ ގޮތް ވެސް އޭރު މެދުވެރިވެފައިވާ ކަމަށާއި މިއީ ކުނި ރަނގަޅަށް މެނޭޖް ކުރެވޭނެ ނިޒާމެއް ޤާއިމުވެފައި އޮތް ނަމަ، ވެގެންވާނެ ކަމެއް ނޫންކަމަށް ރައީސް ވިދާޅުވިއެވެ.
ރާއްޖެއަކީ ބިން ތިރި ޤައުމެއް ކަމަށާއި އެހެންކަމުން ޤުދުރަތީ ވެށްޓާއި މާޙައުލީ ނިޒާމަށް ޙިމާޔަތް ދިނުން މުހިންމުކަން ފާހަގަކުރައްވައި ރައީސް ވިދާޅުވީ މިދިޔަ ސެޕްޓެމްބަރު މަހުން ފެށިގެން މިކަން ހައްލުކުރެވި ތިލަފުށިން ދުން އެރުވުން ނިމުމަކަށް ގެނަސްފައިވާ ކަމަށެވެ.
"ސަރުކާރުގެ ސިޔާސަތަކީ، ހަމައެކަނި ކުނި މެނޭޖްކޮށްގެން، ތިމާވެށި ރައްކާތެރިކުރުމެއް ނޫން. ތިމާވެށްޓަށް ގެއްލުންދޭ ބާވަތުގެ ކުނި މަދުކުރުމަކީ ވެސް، ތިމާވެށި ރައްކާތެރި ކުރުމުގެ ވަރަށް މުހިންމު ސިޔާސަތެއް. އެއްފަހަރު ބޭނުންކުރާ ޒާތުގެ ޕްލާސްޓިކް، ރާއްޖޭގައި މަނާކުރުމުގެ ސިޔާސަތު، މި އަހަރުގެ ޖޫން މަހުގެ ތެރޭގައި ވާނީ ތަންފީޒު ކުރަން ފަށައިފައި." ރައީސް ޞާލިހު ވިދާޅުވިއެވެ.
ކުނިން ހަކަތަ އުފެއްދުމުގެ މަޝްރޫއު އިފްތިތާހުކުރުމަށް ބޭއްވި ރަސްމިއްޔާތުގައި ރައީސް ޞާލިހު ވާހަކަ ދައްކަވަނީ
ރައީސް ވިދާޅުވީ ކުނި މެނޭޖްކޮށް، ތިމާވެށި ރައްކާތެރި ކުރުމަކީ، ހަމައެކަނި މާލެ ސަރަޙައްދަށް އަމާޒު ހިފާފައިވާ ސިޔާސަތެއް ނޫން ކަމަށާއި މިއީ ރާއްޖޭގެ ހުރިހާ ރަށްތަކާއި، ރިޒޯޓުތަކާއި، ގެސްޓްހައުސްތަކުގައި އުފެދޭ ކުނި ވެސް، ރައްކާތެރިގޮތުގައި ނައްތާލައިގެން، ތިމާވެށި އަލުން ދިރުވައި އާލާކުރުމަށް ކަނޑައަޅައިފައިވާ ސިޔާސަތެއް ކަމަށެވެ.
މިހާރު ރާއްޖޭގެ ރަށްތަކުގައި ކުނި އުފެދޭ މިންވަރު އިތުރުވެފައި ވަނީ އިގްތިޞާދީ ހަރަކާތްތައް އިތުރުވަމުންދާތީކަން ފާހަގަކުރައްވައި ރައީސް ޞާލިހު ވިދާޅުވީ ހޯމް ސްޓޭ ފަދަ ފަތުރުވެރިކަން ތައާރަފުވާއިރު ކުނިން ސަލާމަތްވެ ރަށުތެރެ ރީތިކޮށް ބެލެހެއްޓުމަށް ބޮޑު އިސްކަމެއް ދޭން ޖެހިފައިވާ ކަމަށެވެ.
"ރާއްޖޭގެ ތަފާތު ސަރަޙައްދުތަކުގައި، ކުނި މެނޭޖްކުރާނެ މަރުކަޒުތައް ޤާއިމުކުރުމުގެ ޙަޤީޤީ ބޭނުމަކީ އެއީ. އެ މަރުކަޒުތަކުގެ މަސައްކަތް ފަށައިގަތުމުން، ރަށްރަށުގައި އުފެދޭ ފަނާވާ ޒާތުގެ ކުނި ފިޔަވައި، އެނޫން ބާވަތްތަކުގެ ކުނިތައް، ކުނި މެނޭޖްކުރާ މަރުކަޒުތަކަށް ގެންގޮސް، ރައްކާތެރި ގޮތުގައި ނައްތައިލެވޭނެ." ރައީސް ވިދާޅުވިއެވެ.
ތިލަފުށީގައި އަލަށް ގާއިމްކުރާ ނިޒާމުގެ ތެރެއިން ކިތަންމެ ގަދަ ހޫނެއްގައި ކުނި އެންދި ނަމަވެސް ދުމެއް ނުވަތަ ވަހެއް ބޭރެއް ނުވާނެއެވެ. އަދި ތިމާވެއްޓަށް ގެއްލުން ލިބޭ އެއްވެސް ބާވަތެއްގެ ވިހައެއް ވެސް މި މެޝިނުން ބޭރެއް ނުވާނެއެވެ. ކުނި އަންދައިގެން އެ މެޝިނުން ހަކަތަ އުފައްދާއިރު މިކަން ހިންގުމުގެ ހަރަދު ހަމަޖައްސަނީ އުފައްދާ ކަރަންޓު ވިއްކައިގެންނެވެ.
ކުރިއައްއޮތްތާގަަ ކުނިއުކުންް ހިލޭލިބޭނަކަމައްް އުއްމީދުކުރަންް މިހާރުު ގަވައިދުބޮޑުވެފަަ ވަރައްއުދަގޫވޭޭ ކުނިނަގަންް ގަވައިދުންް ނާދޭޭ ކޮންމެވެސްް އެއްޗެކޭކިޔާފަަ ދޭތެރެއަކުންް ކަޓުވާލާނެެ އެއީީ މާބޮޑުޚަރަދެއްް ނުހިގާކަމަކައްވާއިރުު ހިލޭޭ ކުނިއުކޭނެެ ގޮތެއްް ހަދާފީވިއްޔާާ މާލެތެރެެ ސާފުވާނެކަމައްް ގަބޫލުކުރެވޭޭ އުއްމީދަކީީ މިކަމުގާެ ލުއިތަކެއްދެއްވާނެެ ކަމައް