ގާޒީ އާދަމްގެ ސުލޫކީ މައްސަލައެއް ބަލަނީ

ސިވިލް ކޯޓުގެ ގާޒީ އާދަމް އިބްރާހީމް އިސްމާއީލްގެ ސުލޫކީ މައްސަލައެއް ބަލަން ފަށައިފިއެވެ.

Ads by Hajj Corporation

އެނގިފައިވާ ގޮތުގައި ޖުޑިޝަލް ސާވިސް ކޮމިޝަން (ޖޭއެސްސީ)އިން ގާޒީ އާދަމް އިބްރާހީމްގެ މައްސަލަ ތަހުގީގު ކުރަނީ މަގާމުގެ މަސްއޫލިއްޔަތު އަދާކުރުމުގައި ފަރުވާކުޑަކޮށްފައިވާ ކަމަށް ފާހަގަކުރެވޭކަން ހާމަކުރުމަށް ފަހުއެވެ.

އެގޮތުން ގާޒީ އާދަމްގެ މައްސަލަ ތަހުގީގު ކުރުމަށް ނިންމާ ތަހުގީގު ކޮމިޓީ މިހާރު ވަނީ އެކުލަވައިލައިފައެވެ.

ބައެއް ފަނޑިޔާރުންގެ މިފަދަ މައްސަލަތައް ޖޭއެސްސީން ބަލަމުން ދާއިރު، އެ ކޮމިޝަނުން މައްސަލަތައް ބަލަން ފެށުމުން ބައެއް ފަނޑިޔާރުން ދަނީ އަމިއްލަފުޅަށް އިސްތިއުފާ ވެސް ދެއްވަމުންނެވެ.