އިދިކޮޅުން އިންޑިއާއާ އެކު ހެދީ ވަރަށް ރަނގަޅު އެއްބަސްވުމެއް، މި ސަރުކާރަކުން އައު އެއްބަސްވުމެއް ނުހަދާ: އަލީ ޒާހިރު
އިންޑިއާއާ އެކު ވެފައިވާ އެއްބަސްވުންތަކަކީ، ޕީޕީއެމްގެ ވެރިކަމުގައި ޑިފެންސް ކޯޕަރޭޝަންގެ ދަށުން ވެފައިވާ އެއްބަސްވުންތަކެއް ކަމަށް ރައީސް އޮފީހުގެ ޗީފް އޮފް ސްޓާފް އަލީ ޒާހިރު ވިދާޅުވެއްޖެއެވެ.
ދައުލަތުގެ މީޑިއާގައި ވާހަކަފުޅު ދައްކަވަމުން މި ސަރުކާރުން އިންޑިއާއާ އެކު އަލަށް މިލިޓަރީ އެއްބަސްވުމުގައި ސޮއިކޮށްފައިވޭތޯ ސުވާލު ކުރުުމުން އަލީ ޒާހިރު ވިދާޅުވީ، މި ސަރުކާރުން އެއްބަސްވުމެއް "އިނިޝިއޭޓް" ނުކުރާ ކަމަށާއި އަމަލު ކުރަމުން ގެންދަނީ ކުރީގެ ރައީސް، ރައީސް ޔާމީން، 2016ވަނަ އަހަރު އިންޑިއާއަށް ވަޑައިގެން ވެފައިވާ އެއްބަސްވުންތަކަށް ކަމަށެވެ.
"ޙަޤީޤަތުގައި ދެންމެ ތި ފާހަގަ ކުރެއްވި ގިނަ އެގްރީމެންޓްތައް ފެށިފައިވަނީ، މިދިޔަ ސަރުކާރުގައި. މިދިޔަ ސަރުކާރު އައިއިރުގައި ހެލިކޮޕްޓަރެއް އޮތް އައްޑޫގައި، އެއީ ކޯސްޓްގާޑްގެ ހެލިކޮޕްޓަރެއް. މިދިޔަ ސަރުކާރުން އެދިލެއްވީ ނޭވީ ހެލިކޮޕްޓަރެއް ބޭނުންވީ" އަލީ ޒާހިރު ވިދާޅުވިއެވެ.
"އަޅުގަނޑުމެންނެއް ނޫން އެއްބަސްވުން އިނިޝިއޭޓް ކުރީކީއެއް.. އަޅުގަނޑުމެން އިތުރު އެއްބަސްވުމެއް ވީކީއެއް ނޫން. މީހަމަ މިދަންނަވާ ޑިފެންސް ކޯޕަރޭޝަން އަސްލު އެއްބަސްވުމުގައި ހިމެނޭކަންކަން"
ބައެއް އެއްބަސްވުމުގެ ބައެއް ނަކަލްތައް ހިއްޕަވައިގެން ރޭގެ ޕްރޮގްރާމްގައި ވާހަކަފުޅު ދައްކަވަމުން އަލީ ޒާހިރު ވިދާޅުވީ، ޑޯނިއާއަށާއި ހެލިކޮޕްޓަރަށާއި އުތުރު ތިލަފަޅުގައި ޑޮކް ޔާޑެއް އެޅުމަށް ވެސް އެދިވަޑައިގަތީ ރައީސް ޔާމީންގެ ސަރުކާރުން ކަމަށެވެ. އަދި ހައިޑްރޯ ގްރަފީ ސާވޭއާއި ސާވޭލްން ރާޑަރުގެ ވާހަކަ ވެސް ރައީސް ޔާމީންގެ ސަރުކާރުންވި އެއްބަސްވުމުގައި އޮތް ކަމަށް އަލީ ޒާހިރު ވިދާޅުވިއެވެ.
އަލީ ޒާހިރު އިތުރަށް ވިދާޅުވީ، އިންޑިއާއާ އެކު ކުރީ ސަރުކާރުން ވެފައިވާ އެއްބަސްވުމަކީ ގޯސް އެއްބަސްވުމެއް ނޫން ކަމަށާއި، އެއީ ވަރަށް ރަނގަޅު އެއްބަސްވުމެއް ކަމަށެވެ.
"އަޅުގަނޑުމެންގެ ވާދަވެރިންކަމުގައި ވިޔަސް، ވަރަށް ރަނގަޅު ކަމެކޭ ކުރައްވައިފައި އެ އޮތީ. ވަރަށް ރަނގަޅު އެއްބަސްވުމެކޭ. އަޅުގަނޑުމެންނަށް ވަރަށް ބޭނުންތެރި ވަރަށް ގިނަ ކަންތައްތަކެއް އެކުލެވިގެންދޭ. އަޅުގަނޑު ހިތުން އެ ބޭފުޅުންގެ ވެސް ވިސްނުމަކީ އެއީ" އަލީ ޒާހިރު ވިދާޅުވީ މިއަދު އިދިކޮޅުގެ ރާގު ބަދަލުވެފައި ވަނީ ޖަޒުބާތުގައި ޖެހިގެން ކަމަށެވެ.
އިންޑިއާގެ މުހިންމު ކަމަށާއި އަވައްޓެރިއެއްގެ ދައުރާ ބެހޭ ގޮތުން ސަރުކާރުގައި ތިބިއިރު، އިދިކޮޅު ފަރާތްތަކުން ވާހަކަފުޅު ދައްކަވާ ކަމަށް ވިދާޅުވަމުން، އަލީ ޒާހިރު ވިދާޅުވީ އިދިކޮޅުން އުޅެނީ އެއްބަސްވުން ގޯސްވެގެން ނޫން ކަމަށާއި ސިޔާސީ ފައިދާއެއް ހޯދަން ކަމަށެވެ.
"ރައީސް ޔާމީންގެ ދަތުރުފުޅަށް ފަހުގައި، ފޮރިން މިނިސްޓްރީން އެބައޮތް ވަގުތުން ޑިފެންސް މިނިސްޓްރީއަށް ސިޓީއެއް ފޮނުވައިފައި، މި އެއްބަސްވުމުގައި ހުރި ކަންތައްތައް ވަގުތުން ތަންފީޒް ކުރަމުން ގެންދިއުމަށް" އެއްބަސްވުން ވެފައިވަނީ ކުރީ ސަރުކާރުން ކަމަށް ވިދާޅުވަމުން އަލީ ޒާހިރު ވިދާޅުވިއެވެ.
އަލީ ޒާހިރު މި ފަދައިން ވާހަކަފުޅު ދެެއްކެވި ނަމަވެސް އުތުރުތިލަފަޅާއި ހައިޑްރޯގްރަފީ ފަދަ ގިނަ އެއްބަސްވުންތަކެއްގައި މި ސަރުކާރުން ވަނީ ސޮއި ކުރައްވައިފައެވެ. އަދި އެ އެއްބަސްވުންތައް ވެސް ވަނީ ސިއްރު ކުރައްވައިފައެވެ.
އިދިކޮޅުން ފުޅާ ކުރަމުން ގެންދާ އިންޑިއާ އައުޓް ކެމްޕެއިނާ ގުޅިގެން ސަރުކާރާއި ސަރުކާރު ހިންގާ މައި ޕާޓީގެ ގިނަ ފާަޑުކިޔުންތަކެއް މިހާރު އިދިކޮޅަށް ދަނީ އަމާޒުވަމުންނެވެ.
އަލެެ ޒާހިރަކީބޮޑުވެގެންވާ ބޮޑުބުހުތާނެއް މަގާމަނޓަކާވިއްޔާ ކޮންމެފަދަ ބޮޑުދޮގެއްވެސް ހަދާފާނެ
ޢަލެ ބުރަަނޗެ ތަ
ޢަވައްޓެރިންނާއެކު އުޅެން ނުއެގޭ ބަޔަކު ވެރިކަމަށް ކުފޫ ހަމައެެއް ނުވާނެ.
ް ތިޔަހާ ފަިދާ ބޮޑު ރަގަޅު އެއްބަސް ވުމެއް ވެފަިއި ވާނަމަ 241 ކޮމެޓީ އަށް ވެސް ސިއްރުކޮށްގެން ތިޔަވަރަކުން ތިއުޅޭ ް ސަބަބެއް ނޭގުނު ބަލަތީ ދިވެހިގައުމާއި ރައްޔިތުން ނަށް ފަިދާހުރިކަމެއްނަމަ ނުޖެހޭސިއްރުކުރާކަށް އިންޑިޔާއިން އަހަރެމެންގެ މައްޗަށް ބަސްބުންބުނެހެދުމަކީ ގޯހެއް ތިތިބީސަލާމަތްނުވާވަރަށް ވިކިފާ ޔާމީނުބޮލަށް ކަޑާލަން ނޫލޭ މީދޮގުހަދާވެރިންގެ ސަރުކާރެއް،މީފާހިސްއަމަލުތަށްގިނަސަރުކާރެއް،މީމަކަރާއި އޮޅުވާލުންތަށްގިނަ ދަރަނިނެގުން ނޯންކަމެއް ނޭގޭ ބަޔަކުއުޅޭ ސަރުކާރެއް.