ސްވިމިން ޕޫލަކަށް ވެއްޓި ހަތަރު އަހަރުގެ ކުޑަ ކުއްޖަކު ނިޔާވެއްޖެ

ހުޅުމާލޭ އޯޝަންފްރަންޓް ރެސިޑެންސްގެ ސްވިމިން ޕޫލަކަށް ވެއްޓި އުމުރުން ހަތަރު އަހަރުގެ ކުޑަ ކުއްޖަކު ނިޔާވެއްޖެއެވެ.

Ads by STELCO

ފުލުހުންގެ މީޑިއާ އޮފިޝަލަކު ވިދާޅުވީ ހުޅުމާލޭ އޯޝަންފްރަންޓް ރެސިޑެންސްގެ ސްވިމިން ޕޫލަކަށް ހަތަރު އަހަރުގެ ފިރިހެން ކުއްޖަކު ވެއްޓިގެން، ހުޅުމާލޭ ހޮސްޕިޓަލަށް ގެންގޮސްފައިވާކަމުގެ ރިޕޯޓު މިއަދު ހަވީރު 5:10 ހައިއިރު ފުލުހުންނަށް ލިބިފައިވާ ކަމަށެވެ.

ހަވީރު 5:40 ހައިއިރު އެ ކުއްޖާ ނިޔާވެފައިވާ ކަމަށް ހޮސްޕިޓަލުން މައުލޫމާތު ދީފައިވާ ކަމަށް ވެސް ފުލުހުން ވިދާޅުވިއެވެ.

މި ހާދިސާއާ ގުޅިގެން ބަލަން ޖެހޭ ކަންކަން ފުލުހުން ދަނީ ބަލަމުންނެވެ.