އެއާޕޯޓުގެ ޓްރެފިކް މޫވްމަންޓަށް އައު ރިކޯޑެއް

ވެލާނާ އިންޓަނޭޝަނަލް އެއާޕޯޓުގެ ޓްރެފިކް މޫވްމަންޓުގެ އައު ރެކޯޑެއް އިއްޔެ ހަދައިފައިވާ ކަމަށް މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް)އިން ބުނެފިއެވެ.

އެމްއޭސީއެލްއިން މިއަދު މައުލޫމާތު ދެމުން ބުނީ އިއްޔެ ޖުމްލަ 826 ޓްރެފިކް މޫވްމަންޓް ރިކޯޑުކޮށްފައިވާ ކަމަށެވެ. އޭގެ ތެރޭގައި 233 ރަންވޭ މޫވްމަންޓާއި، 593 ސީޕްލޭން މޫވްމަންޓް ރެކޯޑުކޮށްފައިވާ ކަމަަށް ވެސް އެމްއޭސީއެލްއިން ބުނެފައިވެއެވެ.

އައު އަހަރާ ދިމާކޮށް ފަތުރުވެރިކަމުގެ ސީޒަން ފެށިއިރު ކޮންމެ އަހަރެއްގެ ވެސް މި ދުވަސްވަރަކީ އެއާޕޯޓުތަކަށް ވަރަށް ބާރުބޮޑު ދުވަސްވަރެކެވެ. އަދި ވަކިން ހާއްސަކޮށް މި ދުވަސްވަރު ސްކޫލްތައް ބަންދުވެ ބޮޑު ބަންދުގެ ދުވަސްތަކާ ދިމާވުމުން ވެސް އެއާޕޯޓުތަކުގެ ދަތުރުތަކަށް އެނގުންވެއެވެ.