ކޮވިޑް-19: މާސްކު އެޅުން އަނެއްކާ ވެސް މަޖުބޫރުކޮށްފި
ކޮވިޑް-19ގެ އާލަމީ ވަބާއަށް ފައްސިވަމުންދާ އަދަދުތައް އިތުރުވަމުންދާތީ ހުރިހާ ރަށެއްގައި މާސްކު އެޅުން އަނެއްކާ ވެސް މަޖުބޫރުކޮށްފިއެވެ.
ރާއްޖެއިން ކޮވިޑަށް ފައްސިވާ މީހުންގެ އަދަދު އިތުރުވަމުންދާތީ ރައީސް އޮފީހުން ވަނީ ހުރިހާ ރަށެއްގައި ވެސް މާސްކު އެޅުން މަޖުބޫރުކޮށް، މާސްކު ނާޅާ ފަރާތްތަކާ މެދު ފިޔަވަޅު އެޅުމަށް ފުލުހުންނަށް އަންގައިފައެވެ.
މިކަމާ ގުޅިގެން ފުލުހުން މިރޭ ކުރި ޓްވީޓެއްގައި ވިދާޅުވީ ކޮވިޑްގައި ފައްސިވާ އަދަދު މަތިވަމުންދާތީ، ރާއްޖޭގެ ހުރިހާ ރަށެއްގައި މާސްކުއެޅުން މިހާރު މަޖުބޫރު ކުރެވިފައި ކަމަށެވެ.
އެހެންކަމުން އެކަން ތަންފީޒުކުރުމުގެ މަސައްކަތް ފުލުހުން ކުރަމުންދާނެ ކަމަށް ވެސް ވިދާޅުވެފައިވެއެވެ.
ރައީސް އޮފީހުން ފުލުހުންނަށް ފޮނުވައިފައިވާ ސިޓީގައި ހުރިހާ ރަށެއްގައި މާސްކު އެޅުން މަޖުބޫރުކޮށްފައި ވާތީ އެޗްޕީއޭގެ ގައިޑްލައިނާ އެއްގޮތަށް މާސްކު އަޅަމުންދޭތޯ ކަށަވަރުކޮށްދިނުމަށް އެދިފައިވާ އިރު، މާލޭ ސަރަހައްދުގައި ދުވާލެއްގެ މައްޗަށް 3000 މީހުންނަށް ބޫސްޓާ ޑޯޒް ދިނުމުގެ ގޮތުން ނޫސަންދަ ކްލިނިކުން ފުލުހުންނާއި ފުލުހުންގެ އާއިލާތަކަށް ބޫސްޓާ ޑޯޒް ޖެހޭނެ އިންތިޒާމު ހަމަޖެއްސުމަށް ވެސް ވަނީ އަންގައިފައެވެ.
ަމިދެން މިމީހުންެ ގެންގުޅޭ ހަތިޔާރެއް މިކޮވިޑަކީ