Tuesday, 17 November 2026
Advertisement
Ooredoo — Airfibre (leaderboard)
ޚަބަރު

އާދަމް ޝަރީފް ،މާރިޔާއަށް:އަވަހާރަވެފައިވާ ބޭފުޅެއްގެ ނަންފުޅު ބޭނުންކޮށްގެން ކެމްޕެއިން ކުރަނީ ސަރުކާރުން!

އާދަމް ޝަރީފް ،މާރިޔާއަށް:އަވަހާރަވެފައިވާ ބޭފުޅެއްގެ ނަންފުޅު ބޭނުންކޮށްގެން ކެމްޕެއިން ކުރަނީ ސަރުކާރުން!

ރައްޔިތުން މަޖިލީހުގެ ކޮމަންޑޫ ދާއިރާގެ ގޮނޑި ފުރުއްވަމުން ގެންދެވި ހުސައިން ވަޙީދު އަވަހާރަވެ ފަސްދާނުވެޑުވުމުގެ ކުރީން ޕީޕީއެމުން އެ ގޮނޑިއަށް ކެމްޕެއިން ފެށިކަމަށް ވިދާޅުވެ ޑިފެންސް މިނިސްޓަރ މާރިޔާދީދީ ވިދާޅުވި ވާހަކަފުޅުތަކަށް ކުރީގެ ޑިފެންސް މިނިސްޓަރ އަދި ޕީއެންސީގެ ޕީޖީ ލީޑަރު އާދަމް ޝަރީފް ޢުމަރު ރައްދު ދެއްވައިފިއެވެ.

ކޮމަންޑޫ ދާއިރާގެ ބައި އިލެކްޝަންގައި ވާދަ ކުރައްވާ އެމްޑީޕީގެ ކެނޑިޑޭޓަށް ތާއީދު ހޯދުމަށް ރޭ ކޮމަންޑޫގައި ބޭއްވި ޖަލްސާއެއްގައި މާރިޔާދީދީ ވިދާޅުވީ ޙުސައިން ވަޙީދު ފަސްދާނުވެޑުވުމުގެ ކުރީން ޕީޕީއެމުން ކެމްޕެއިން ފެށި ކަމަށާއި އެކަމުން އެނގިގެން ދަނީ އަމިއްލަ އެދުމުން ފޯވެފައިވާ މިންވަރު ކަމަށެވެ.

މި ވާހަކަތަކަށް ރައްދު ދެއްވައި އާދަމް ޝަރީފް ކުރެއްވި ޓްވީޓެއްގައި ވިދާޅުވީ އެއީ ދޮގު ވާހަކައެއް ކަމަށާއި އަވަހާރަވެފައިވާ ބޭފުޅެއްގެ ނަންފުޅު ބޭނުންކޮށްގެން ކެމްޕެއިން ކުރަނީ ސަރުކާރުން ކަމަށެވެ. އަދި އެއީ އިޖުތިމާޢީ މިންގަނޑުތަކާ ޚިލާފުކަމެއް ކަމަށް ވެސް އާދަމް ޝަރީފް ވިދާޅުވިއެވެ.

Advertisement
Allied Insurance — Square (box)

"މަރުޙޫމް ޙުސައިން ވަޙީދު ފަސްދާނު ނުލަނީސް ޕީޕީއެމްއިން ކެމްޕެއިނެއް ނުކުރޭ ، އަވަހާރަވެފައިވާ ބޭފުޅެއްގެ ނަންފުޅު ބޭނުންކޮށްގެން ކެމްޕެއިން ކުރަނީ ސަރުކާރުން ، އެއީ އިޖުތިމާއީ މިންގަނޑުތަކާ ޚިލާފުކަމެއް ، ޕީޕީއެމް ބަދުނާމުކުރަން ކުރާ މަސައްކަތް ކާމިޔާބު ވިޔަކަ ނުދޭނަން ، އިންޝާ ﷲ" ޕީޕީއެމްގެ ކެނޑިޑޭޓް މޫސާ ފަތުހީގެ ކެމްޕެއިންގައި މަސައްކަތް ކުރައްވަމުންދާ އާދަމް ޝަރީފް ވިދާޅުވިއެވެ.

https://twitter.com/adamshareefz/status/1481368494478266371?s=21

ކޮމަންޑޫ ދާއިރާގެ ބައިއިލެކްޝަން ބޭއްވުމަށް ހަމަޖެހިފައި ވަނީ އަންނަ މަހުގެ ފަސްވަނަ ދުވަހުއެވެ. މި އިންތިޚާބުގެ ފޯރި މިހާރު ވަނީ ވަރަށް ބޮޑަށް ގަދަވެފައެވެ. އެއާ އެކު ކެބިނެޓްގެ ވަޒީރުންނާއި އެމްޑީޕީއަށް ނިސްބަތްވާ މަޖިލިސް މެމްބަރުންނާއި ޕީޕީއެމްގެ އިސްވެރީން ވެސް ދަނީ ކޮމަންޑޫ ދާއިރާގައި ކެމްޕެއިންގައި ހަރަކާތްތެރިވަމުންނެވެ. ހަމަ އެހެންމެ ސަރުކާރުން ވަނީ އިންތިޚާބާ ދިމާކޮށް ދެކޮމަންޑޫ ގުޅުވައިލުމުގެ މަސައްކަތް ފަށަން ތައްޔާރުވެފައެވެ. މިކަމާ ގުޅިގެން ، މިއީ އިންތިޚާބަށް ނުފޫޒު ފޯރުވާ ކަމެއް ކަމަށް ވިދާޅުވެ ޓްރާންސްޕޭރެންސީ މޯލްޑިވްސްއިން އިއްޔެ ވަނީ ބަޔާނެއް ވެސް ނެރުއްވައިފައެވެ. އެ ގޮތުން އިންތިޚާބާ ދިމާކޮށް މިފަދަ ކަންކަން ކުރުމުން ވޯޓްލާންވީ ކެނޑިޑޭޓް ނިންމުމުގައި އާންމުންނަށް ނުފޫޒު ފޯރުވޭކަމަށް އެ ޖަމްޢިއްޔާއިން ވަނީ ވިދާޅުވެފައެވެ. އަދި މި އަހަރަށް ދައުލަތުން ލަފާ ކުރާ ބަޖެޓްގައި އެ މަޝްރޫޢު ހިމަނައިފައި ނެތް ހިނދު އެ މަސައްކަތް ކުރައްވަން އިޢުލާން ކުރެއްވުމުން ވެސް އެ ޖަމްޢިއްޔާއިން ވަނީ ސުވާލު އުފައްދަވައިފައެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.