ކިޔެވުން ފެށޭއިރު ދަރިވަރުން ސްކޫލަށް ހާޒިވާން ޖެހޭނީ ހަފްތާއަކު ދެ ދުވަހު!

އަންނަ އާދިއްތަ ދުވަހު ދެވަނަ ޓާމްގެ ކިޔެވުން ފެށޭއިރު، ކޮވިޑް-19އިން ރައްކާތެރިވުމަށް މާލޭގެ ސްކޫލުތަކުގައި ޚާއްސަ ފިޔަވަޅުތަކެއް އަޅައިފިއެވެ.

Ads by STELCO

މިއަދު އެޑިއުކޭޝަނުން އާއްމު ކުރި ބަޔާނެއްގައި ވިދާޅުވީ ސްކޫލުތައް ހުޅުވޭއިރު، ފުރަތަމަ ހަފްތާގައި އަންނަނިވި ފިޔަވަޅުތައް އަޅަން އަންގާ ކަމަށެވެ.

• ސްކޫލްގެ ހުރިހާ ހަރަކާތްތަކެއްގައި ވެސް ގައިދުރުކަން ދެމެހެއްޓުން.
• ދަރިވަރުން ސްކޫލަށް ހާޒިރު ވުމުން ހުންބެލުން އަދި ސެނެޓައިޒްކުރުން ނުވަތަ އަތްދޮވުން.
• ސްކޫލުގެ ކިޔަވައިދޭ ދަންފަޅި ކުރުކުރުން.
• ކްލާސްރޫމްގައި ދަރިވަރުން ތިބޭއިރު 3 ފޫޓު ދުރުމިން ބެހެއްޓުން.
• ގްރޭޑް 1އިން 8ގެ ދަރިވަރުން ފުރަތަމަ ހަފްތާގައި މަދުވެގެން ހަފްތާއަކު 2 ދުވަހު ސްކޫލަށް ހާޒިރުވާ ގޮތަށް ޓައިމްޓޭބަލް ރޭވުން
• މާސްކު ނަގައިގެން ހިންގަން ޖެހޭ އެއްވެސް ހަރަކާތެއް ސްކޫލްގައި ނުހިންގުން.
• ކޮވިޑް-19އިން ރައްކާތެރިވުމަށް ޓަކައި ހެލްތު ޕްރޮޓެކްޝަން އެޖެންސީ ދެއްވާ އިރުޝާދުތަކަށް އަމަލުކުރުން.

އެޑިއުކޭޝަނުން ވިދާޅުވީ، ވަކި ސްކޫލްތަކުގެ ކިޔަވައިދިނުމުގެ އިންތިޒާމްތައް ހަމަޖެހިފައިވާ ގޮތް ސްކޫލްތަކުން ބެލެނިވެރިންނާ ހިއްސާ ކުރައްވާނެ ކަމަށެވެ.

ކޮވިޑް-19 ހާލަތު ރާއްޖޭގައި އަންނަނީ ވަރަށް ބޮޑަށް ގޯސްވަމުންނެވެ. މިދިޔަ 24 ގަޑިއިރުގެ ތެރޭގައި ބައްޔަށް 800އަށް ވުރެ ގިނަ މީހުން ވަނީ ފައްސިވެފައެވެ.